(vovworld) - ວັນທີ 27/2, ກອງປະຊຸມຄັ້ງທີ 19 ສະພາສິດທິມະນຸດສະຫະປະຊາຊາດ ໄດ້ຖືກໄຂຂຶ້ນຢູ່ Gionevo ປະເທດ ສະວິດ ດ້ວຍການເຂົ້າຮ່ວມຂອງລັດຖະມົນຕີ 80 ທ່ານ ພ້ອມກັບເຈົ້າໜ້າທີ່ຂັ້ນສູງຫຼາຍທ່ານມາຈາກບັນດາປະເທດສະມາຊິກ ແລະ ຜູ້ຕາງໜ້າບັນດາອົງການສາກົນ. ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີການຕ່າງປະເທດ ເລເລືອງມິນ ນຳໜ້າໄດ້ເຂົ້າຮ່ວມກອງປະຊຸມແກ່ຍາວຮອດວັນທີ 23/3. ຄາດວ່າ, ຄະນະຜູ້ແທນຫວຽດນາມຈະມີບົດປາໄສທີ່ກອງປະຊຸມໃນວັນທີ 29/2. ຫົວຂໍ້ຂອງ 9 ວາລະປຶກສາຫາລືໃນຂອບເຂດດຳເນີນກອງປະຊຸມສຸມໃສ່ບັນດາບັນຫາຄື: ການພົວພັນລະຫວ່າງກິລາ ແລະ ສິດທິມະນຸດ, ສິດເສລີໃນການປາກເວົ້າທາງອີນເຕີເນັດ ແລະ ສິດຂອງຄົນພິການ. ບັນດາບົດລາຍງານຂອງຂ້າຫຼວງໃຫຍ່ສິດທິມະນຸດສະຫະປະຊາຊາດ ແລະ ເລຂາທິການໃຫຍ່ສະຫະປະຊາຊາດ ກ່ຽວກັບສະພາບສິດທິມະນຸດຢູ່ Palextin ແລະ ບັນດາເຂດດິນ ອາຣັບ ຖືກຢືດຄອງອື່ນກໍ່ຖືກນຳມາປຶກສາຫາລືທີ່ກອງປະຊຸມຄັ້ງນີ້. ຢູ່ນອກກອງປະຊຸມ, ຄະນະຜູ້ແທນຫວຽດນາມ ກໍມີບັນດາການພົບປະກັບຜູ້ຕາງໜ້າບັນດາປະເທດ ເພື່ອແນໃສ່ກະກຽມໃຫ້ແກ່ເລື່ອງຫວຽດນາມອອກສະໝັກຮັບເລືອກຕັ້ງເປັນສະມາຊິກສະພາສິດທິມະນຸດສະຫະປະຊາຊາດ ອາຍຸການ 2013 – 2016.