(vovworld) – ໃນຂອບເຂດກອງປະຊຸມສຸດຍອດເວທີປາໄສຮ່ວມມືເສດຖະກິດ ອາຊີ - ປາຊີຟິກ (APEC) ຄັ້ງທີ 21 ແລະ ບັນດາກອງປະຊຸມທີ່ກ່ຽວຂ້ອງ, ຖືກຈັດຂຶ້ນແຕ່ວັນທີ 1 – 8/10 ຢູ່ໝູ່ເກາະ ບາລີ, ປະເທດ ອິນໂດເນເຊຍ, ວັນທີ 4/10 ໄດ້ໄຂກອງປະຊຸມລັດຖະມົນຕີການຕ່າງປະເທດ, ການຄ້າ APEC. ຄະນະຜູ້ແທນ ຫວຽດນາມ ໂດຍທ່ານຮອງລັດຖະມົນຕີກະຊວງອຸດສາຫະກຳ - ການຄ້າ ຫງວຽນເກີ໋ມຕູ ນຳໜ້າເຂົ້າຮ່ວມກອງປະຊຸມ.
ກອງປະຊຸມລັດຖະມົນຕີ APEC ຖືກຈັດຂຶ້ນໃນວັນທີ 4 – 5/10, ສຸມໃສ່ປຶກສາຫາລືກ່ຽວກັບບັນດາຂໍ້ສະເໜີທີ່ໄດ້ຮັບຄວາມເຫັນດີເຫັນພ້ອມຈາກເຈົ້າໜ້າທີ່ຂັ້ນສູງ (SOM) APEC ໃນກອງປະຊຸມ SOM APEC ທີ່ດຳເນີນກ່ອນນັ້ນຄືວັນທີ 1 – 2/10, ແລະ ກະກຽມບັນດາເນື້ອໃນໃຫ້ແກ່ໂຄງການດຳເນີນງານຂອງກອງປະຊຸມສຸດຍອດ APEC 2013, ເຊິ່ງຈະຈັດຂຶ້ນໃນວັນທີ 7 – 8/10, ໃນນັ້ນສະຫງວນບຸລິມະສິດໃຫ້ແກ່ການປະຕິບັດບັນດາຈຸດໝາຍ Bogor ກ່ຽວກັບການຫັນການຄ້າ ແລະ ການລົງທຶນເປັນເສລີ, ຊຸກຍູ້ການເຕີບໂຕແບບຍືນຍົງ ແລະ ຍຸຕິທຳ, ເພີ່ມທະວີການເຊື່ອມຕໍ່ພາກພື້ນ, ບັນດາບັນຫາກ່ຽວຂ້ອງເຖິງກອງປະຊຸມລັດຖະມົນຕີອົງການການຄ້າໂລກ (WTO) ຄັ້ງທີ 9, ກໍ່ຈັດຕັ້ງຢູ ບາລີ ໃນເດືອນ 12/2013, ເພື່ອແນໃສ່ຊຸກຍູ້ຮອບເຈລະຈາ ໂດຮາ ກ່ຽວກັບການຫັນດານຄ້າທົ່ວໂລກ, ການຄ້າບໍລິການເປັນເສລີ, ບັນລຸໄດ້ການຄ້າ ແລະ ການລົງທຶນເສລີ ແລະ ເປີດປະຕູໃນພາກພື້ນ ອາຊີ - ປາຊີຟິກ, ອຸປະຖຳດ້ານການຄ້າ ແລະ ບັນດາຜະລິດຕະພັນທີ່ປະກອບສ່ວນໃຫ້ການເຕີບໂຕຂຽວ.