ພົນໂທ Nguyen Chi Vinh ເຂົ້າຮ່ວມກອງປະຊຸມ
(ພາບ:nguyenchivinh.org)
( vovworld ) – ວັນທີ 26/4, ຢູ່ຊຽມຣຽບ (ກຳປູເຈຍ), ກອງປະຊຸມເຈົ້າໜ້າທີ່ປ້ອງກັນຊາດຂັ້ນສູງ ອາຊຽນ ເປີດກ້ວາງ (ADSOM+) ໄດ້ໄຂຂຶ້ນດ້ວຍການເຂົ້າຮ່ວມຂອງ 10 ປະເທດສະມາຊິກອາຊຽນ ແລະ 8 ປະເທດຄູ່ຮ່ວມມືຊື່ງລວມມີ: ອົດສະຕາລີ, ຈີນ, ຍີ່ປຸ່ນ, ສເກົາຫຼີ, ນີວຊີແລນ, ລັດເຊຍ ແລະ ອາເມລິກາ. ຄະນະຜູ້ແທນຫວຽດນາມ ໂດຍທ່ານພົນໂທ Nguyen Chi Vinh ນຳໜ້າໄດ້ເຂົ້າຮ່ວມກອງປະຊຸມ. ກ່າວຄຳເຫັນໄຂກອງປະຊຸມ, ທ່ານ Tia Banh ຮອງນາຍົກລັດຖະມົນຕີລາຊະອານາຈັກກຳປູເຈຍ ທັງເປັນລັດຖະມົນຕີກະຊວງປ້ອງກັນປະເທດ ກຳປູເຈຍ ໄດ້ຮຽກຮ້ອງໃຫ້ບັນດາປະເທດສະມາຊິກອາຊຽນ ແລະ ບັນດາປະເທດຄູ່ຮ່ວມມື ຈົ່ງຮັກສາບົດບາດຫຼັກແຫຼ່ງ ແລະ ຕັ້ງໜ້າເພື່ອກາຍເປັນກຳລັງທີ່ສຳຄັນທີ່ສຸດ ໃນການປ້ອງກັນຄວາມສະຫງົບປອດໄພໃນພາກພື້ນຢ່າງເປີດເຜີຍ, ກະຈ່າງແຈ້ງ, ປະກອບສ່ວນສະໜັບສະໜູນ ແລະ ຊຸກຍູ້ເລື່ອງສ້າງຕັ້ງປະຊາຄົມການເມືອງ ແລະ ຄວາມສະຫງົບປອດໄພອາຊຽນໃນປີ 2015. ຕາມລາຍການແລ້ວ, ຢູ່ ADSOM+ ຄັ້ງນີ້, ຜູ້ຕາງໜ້າປະເທດຕ່າງໆ ຈະແລກປ່ຽນທັດສະນະກ່ຽວກັບຄວາມສະຫງົບປອດໄພໃນພາກພື້ນ ແລະ ບັນດາບັນຫາການປ້ອງກັນຊາດ; ປຶກສາຫາລື, ເອກະພາບກັບຮ່າງບົດລາຍງານທີ່ຈະຍື່ນສະເໜີທີ່ກອງປະຊຸມລັດຖະມົນຕີກະຊວງປ້ອງກັນປະເທດອາຊຽນເປີດກ້ວາງ (ADMM+) ກ່ຽວກັບການຈັດຕັ້ງ ຈາກ 3 ປີເທື່ອ 1 ປ່ຽນມາເປັນ 2 ປີເທື່ອ 1.