(vovworld) – ວາລະປະຊຸມຄັ້ງທີ 2 ຂອງສະພາທີ່ປຶກສາດຳເນີນທຸລະກິດ (ຫຼື ABAC) ຂຶ້ນກັບເວທີປາໄສຮ່ວມມືເສດຖະກິດ ອາຊີ - ປາຊີຟີກ (ຫຼື APEC) ໄຂຂຶ້ນໃນຕອນບ່າຍວັນທີ 03/04 ຢູ່ ສິງກາໂປ. ຄະນະຜູ້ແທນ ຫວຽດນາມ ໂດຍທ່ານຮ່ວາງວັນຢູງ, ຮອງປະທານຜູ້ປະຈຳການຫ້ອງການການຄ້າ ແລະ ອຸດສາຫະກຳ ຫວຽດນາມ ນຳໜ້າ ເຂົ້າຮ່ວມວາລະປະຊຸມ. ໃນຂອບເຂດວາລະປະຊຸມທີ່ແກ່ຍາວຮອດວັນທີ 6/4, ມີການນຳວິສາຫະກິດທີ່ຂຶ້ນກັບ 21 ພື້ນຖານເສດຖະກິດສະມາຊິກ APEC ປະມານ 150 ທ່ານ ໄດ້ສຸມໃສ່ປຶກສາຫາລື ບັນດາມາດຕະການເພື່ອແນໃສ່ເພີ່ມທະວີການເຊື່ອມໂຍງເຂົ້າກັບເສດຖະກິດພາກພື້ນ, ຊຸກຍູ້ການພັດທະນາແບບຍືນຍົງ, ປັບປຸງການພັດທະນາວິສາຫະກິດທີ່ມີຂະໜາດກາງ, ນ້ອຍ ແລະ ນ້ອຍສຸດ, ພ້ອມທັງເພີ່ມທະວີການເຊື່ອມໂຍງຂອງບັນດາຕະຫຼາດການເງິນ. ການນຳວົງການນັກວິສາຫະກິດກໍ່ຍົກອອກຂໍ້ສະເໜີແນະຂອງ ABAC ເພື່ອຍື່ສະເໜີຕໍ່ກອງປະຊຸມລັດຖະມົນຕີການຄ້າ APEC, ເຊິ່ງຄາດວ່າຈະດຳເນີນໃນວັນທີ 20 – 21/4 ໃກ້ໆນີ້ຢູ່ ອິນໂດເນເຊຍ. ວາລະປະຊຸມຄັ້ງທີ 3 ແລະ ຄັ້ງທີ 4 ຂອງ ABAC ຈະຖືກຈັດຕັ້ງຂຶ້ນຢູ່ຍີ່ປຸ່ນ ໃນເດືອນ 7 ແລະ ຢູ່ ອິນໂດເນເຊຍ ໃນເດືອນ 10 ຈະມາເຖິງ.