( vovworld ) – ໃນຂອບເຂດກະກຽມໃຫ້ແກ່ກອງປະຊຸມສະຫະປະຊາຊາດກ່ຽວກັບການພັດທະນາແບບຍື່ນຍົງ ( Rio + 20 ), ຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດສົມທົບກັບຄະນະຜູ້ແທນໂຮນລັງ, Benin, Barbados ແລະ ອົງການເຄື່ອນໄຫວວິສາຫະກິດເພື່ອການພັດທະນາແບບຍື່ນຍົງ ( BASD ) ໄດ້ຈັດຕັ້ງກອງປະຊຸມ “ ການໂອ້ລົມສົນທະນາກັບວິສາຫະກິດ ແລະ ບັນດາກຸ່ມອຸດສາຫະກຳເພື່ອການພັດທະນາແບບຍື່ນຍົງ ”. ນະທີ່ນີ້, ບັນດາຝ່າຍໄດ້ແລກປ່ຽນບັນດາທັດສະນະຂອງລັດຖະບານ ແລະ ຂົງເຂດພາກເອກະຊົນເພື່ອແນໃສ່ເພີ່ມທະວີການເຂົ້າຮ່ວມ, ປະກອບສ່ວນຂອງຂົງເຂດເອກະຊົນໃຫ້ບັນດາເປົ້າໝາຍພັດທະນະແບບຍື່ນຍົງ. ຜູ້ຕາງໜ້າສະຫະປະຊາຊາດ ແລະ ອົງການເຄື່ອນໄຫວວິສາຫະກິດເພື່ອການພັດທະນາຢ່າງໝັ້ນຄົງໄດ້ສະແດງບັນດາຄວາມມານະພະຍາຍາມໃນການເຄື່ອນໄຫວ, ທັດສະນະ ແລະ ບັນດາແຜນການເຄື່ອນໄຫວຂອງປະຊາຄົມວິສາຫະກິດທີ່ມີຕໍ່ການປະຕິບັດບັນດາໂຄງການພັດທະນາລະດັບຊາດ ແລະ ສາກົນ.
ດ້ວຍບົດບາດເປັນປະທານຮ່ວມຊີ້ນຳການໂອ້ລົມສົນທະນາ, ທ່ານເອກອັກຄະລັດຖະທູດ Le Hoai Trung, ຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ແນະນຳການພັດທະນາ ແລະ ບັນດາການອຸທິດສ່ວນຂອງຂົງເຂດພາກເອກະຊົນເຂົ້າໃນການພັດທະນາລວມຂອງຫວຽດນາມ, ເລື່ອງສ້າງຕັ້ງສະຫະສະມາຄົມວິສາຫະກິດຫວຽດນາມ ເພື່ອການພັດທະນາແບບຍື່ນຍົງ, ກໍຄືຊີ້ແຈງເຖິງບັນດາຄວາມມານະພະຍາຍາມຂອງລັດຖະບານຫວຽດນາມ ໃນການສົ່ງເສີມຂົງເຂດພາກເອກະຊົນເຂົ້າຮ່ວມໃນການພັດທະນາແບບຍື່ນຍົງ.
ພາຍຫຼັງການໂອ້ລົມສົນທະນາເປັນຄັ້ງທຳອິດນີ້, ຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ ຈະສືບຕໍ່ສົມທົບກັນຈັດຕັ້ງບັນດາການໂອ້ລົມສົນທະນາໃນຂົງເຂດພາກເອກະຊົນເພື່ອແນໃສ່ຊຸກຍູ້ການຮ່ວມມືພາກລັດ ແລະ ເອກະຊົນໃນການປະຕິບັດບັນດາເປົ້າໝາຍພັດທະນາແບບຍື່ນຍົງ.