(vovworld) - ໃນລະຫວ່າງວັນທີ 05 – 05 ພະຈິກ, ຢູ່ສຳນັກງານສະຫະປະຊາຊາດ (ສປຊ) ທີ່ນະຄອນນິວຢອກ, ປະເທດອາເມລິກາ, ສະມັດຊາໃຫຍ່ສປຊ ໄດ້ໂຮມປະຊຸມເພື່ອພິຈາລະນາຮ່າງມະຕິຂອງສະມັດສາໃຫຍ່ຊຸດທີ 68 ກ່ຽວກັບບົດລາຍງານຂອງອົງການພະລັງງານປະລະມານູສາກົນ (IAEA). ຫວຽດນາມ ດ້ວຍຖານະເປັນປະທານສະພາຜູ້ວ່າການ IAEA ອາຍຸການ 2013 – 2014 ໄດ້ເປັນເຈົ້າການສ້າງ ແລະ ແນະນຳຮ່າງມະຕິທີ່ກອງປະຊຸມປີ 2013 ກ່ຽວກັບບັນຫາດັ່ງກ່າວ. ກ່າວຄຳເຫັນແນະນຳຮ່າງມະຕິທີ່ກອງປະຊຸມ, ທ່ານເອກອັກຄະລັດຖະທູດ, ຫົວໜ້າຄະນະຜູ້ປະຈຳຫວຽດນາມ ຢູ່ສປຊ ເລຮ່ວາຍຈູງ ໄດ້ຕີລາຄາສູງໝາກຜົນການເຄື່ອນໄຫວຂອງ IAEA ໃນປີຜ່ານມາຢູ່ທຸກຂົງເຂດ. ແລະກໍ່ຕາມທ່ານເອກອັກຄະລັດຖະທູດ ເລຮ່ວາຍຈູງ ແລ້ວ, ໃນໄລຍະຜ່ານມາ IAEA ໄດ້ປະກອບສ່ວນເປັນໃຈກາງໃນການໜູນຊ່ວຍ, ພັດທະນາ ແລະ ນຳໃຊ້ພະລັງງານ, ເຕັກໂນໂລຊີນິວເຄຼຍເພື່ອຈຸດໝາຍສັນຕິພາບ, ປະກອບສ່ວນຢ່າງຕັ້ງໜ້າໃຫ້ວິວັດການພັດທະນາເສດຖະກິດສັງຄົມ ກໍ່ຄືຊຸກຍູ້ການປະຕິບັດບັນດາຈຸດໝາຍສະຫັດສະວັດ.
ສິ້ນສຸດວາລະປະຊຸມຄົບຄະນະ, ສະມັດຊາໃຫຍ່ໄດ້ເຫັນດີຮັບຮອງເອົາຮ່າງມະຕິກ່ຽວກັບບົດບາຍງານການເຄື່ອນໄຫວຂອງ IAEA ໂດຍຫວຽດນາມ ແນະນຳ.