ຫວຽດນາມ ເພີ່ມທະວີ ການເຄື່ອນໄຫວສົ່ງເສີມການຄ້າ, ການລົງທຶນ ແລະ ໂຄສະນາການທ່ອງທ່ຽວຢູ່ Scotland
(ທ່ານຮອງລັດຖະມົນຕີການຕ່າງປະເທດຫວຽດນາມ ບຸຍແທງເຊີນ)
(vovworld) – ໃນລະຫວ່າງວັນທີ 08 – 09/06, ທ່ານຮອງລັດຖະມົນຕີການຕ່າງປະເທດຫວຽດນາມ ບຸຍແທງເຊີນ ໄດ້ໄປຢ້ຽມຢາມ ແລະ ເຮັດວຽກຢູ່ Scotland, ແຫ່ງລາຊະອານາຈັກອັງກິດ. ໃນຂອບເຂດການຢ້ຽມຢາມ, ທ່ານຮອງລັດຖະມົນຕີການຕ່າງປະເທດ ບຸຍແທງເຊີນ ໄດ້ມີການເຮັດວຽກກັບທ່ານນາງລັດຖະມົນຕີກະຊວງວັດທະນະທຳ ແລະ ການຕ່າງປະເທດ Scotland, Hyslop Fiona. ທີ່ການພົບປະກັບທ່ານນາງລັດຖະມົນຕີ Hyslop Fiona, ທ່ານຮອງລັດຖະມົນຕີການຕ່າງປະເທດ ບຸຍແທງເຊີນ ຢືນຢັນວ່າ ນະໂຍບາຍການຕ່າງປະເທດເປີດກວ້າງ ແລະ ເຊື່ອມໂຍງເຂົ້າກັບສາກົນຢ່າງຮອບດ້ານ, ໃນນັ້ນມີການເຊື່ອມໂຍງດ້ານເສດຖະກິດກັບສາກົນຂອງຫວຽດນາມ. ທ່ານຮອງລັດຖະມົນຕີ ສະເໜີໃຫ້ອຳນາດການປົກຄອງ Scotland ສົ່ງເສີມບັນດາວິສາຫະກິດ Scotland ເພີ່ມທະວີການລົງທຶນເຂົ້າຫວຽດນາມ ເພື່ອແນໃສ່ຍາດແຍ່ງຜົນປະໂຫຍດເຊິ່ງບັນດາສັນຍາການຄ້າເສລີ (FTA) ເຊິ່ງຫວຽດນາມ ໄດ້ລົງນາມ ແລະ ພວມເຈລະຈານຳມາໃຫ້, ພິເສດແມ່ນສັນຍາ FTA ຫວຽດນາມ - EU. ທ່ານນາງລັດຖະມົນຕີ Hyslop Fiona ຢືນຢັນການສະໜັບສະໜູນວິສາຫະກິດ Scotland ຍາດແຍ່ງການພົວພັນຄູ່ຮ່ວມມືຍຸດທະສາດຫວຽດນາມ - ອັງກິດ ເພື່ອເພີ່ມທະວີການລົງທຶນ, ດຳເນີນທຸລະກິດຢູ່ຫວຽດນາມ. ທ່ານນາງ ກໍ່ໃຫ້ຮູ້ວ່າ ຈະຕັ້ງໜ້າຊຸກຍູ້ການພົວພັນແລກປ່ຽນດ້ານວັດທະນະທຳ, ການທ່ອງທ່ຽວລະຫວ່າງ Scotland ແລະ ຫວຽດນາມ ກວ່າອີກ.
ທີ່ການໂຄສະນາກ່ຽວກັບຫວຽດນາມ ດ້ວຍຫົວຂໍ້ “ການພົວພັນຄູ່ຮ່ວມມືຍຸດທະສາດຫວຽດນາມ - ອັງກິດ: ກາລະໂອກາດຮ່ວມມືກັບ Scotland”, ທ່ານຮອງລັດຖະມົນຕີການຕ່າງປະເທດ ບຸຍແທງເຊີນ ເນັ້ນໜັກເຖິງບັນດາຂົງເຂດຮ່ວມມືທີ່ພວມພັດທະນາອັນດີງາມລະຫວ່າງອັງກິດ - ຫວຽດນາມ ຄືການເງິນ, ທະນາຄານ, ການສຶກສາ… ແລະ ປາດຖະໜາຢາກມີການເຂົ້າຮ່ວມຂອງບັນດາວິສາຫະກິດ Scotland ໃນຂົງເຂດດັ່ງກ່າວກວ່າອີກ. ເມື່ອຕອບຄຳຖາມກ່ຽວຂ້ອງເຖິງເລື່ອງ ຈີນ ຕັ້ງຮ້ານເຈານະນ້ຳມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ທ່ານຮອງລັດຖະມົນຕີການຕ່າງປະເທດ ບຸຍແທງເຊີນ ຢືນຢັນວ່າ, ຫວຽດນາມ ໄດ້ເດີນຕາມບັນດາມາດຕະການສັນຕິພາບເພື່ອແກ້ໄຂບັນຫາດັ່ງກ່າວ ແລະ ຂອບໃຈລາສະອານາຈັກອັງກິດ ໄດ້ອອກຖະແຫຼງການສະໜັບສະໜູນຫຼັກໝັ້ນລວມຂອງ EU ເພື່ອຮຽກຮ້ອງຍຸດຕິການກະທຳພຽງລຳພັງຝ່າຍດຽວທີ່ນາບຂູ່ເຖິງສັນຕິພາບ, ສະຖຽນລະພາບ, ຄວາມສະຫງົບ, ປອດໄພໃນການເດີນທະເລ, ເຂົ້າລົບກົດໝາຍສາກົນ ແລະ ຊອກຫາມາດຕະການສັນຕິພາບເພື່ອແກ້ໄຂບັນຫານີ້.