ຫວຽດນາມ ແນະນຳບັນດາບຸລິມະສິດໃນອາຍຸການດຳລົງຕຳແໜ່ງເປັນກຳມະການບໍ່ປະຈຳການຂອງສະພາຄວາມໝັ້ນຄົງ ສປຊ
(VOVWORLD) -ວັນທີ 12 ທັນວາ, ຄະນະຜູ້ຕ່າງໜ້າ ຫວຽດນາມ ປະຈຳ ສປຊ ໄດ້ຈັດຕັ້ງການພົບປະກັບສື່ມວນຊົນສາກົນ ທີ່ພວມປະຕິບັດງານຢູ່ ສຳນັກງານ ສປຊ, ນິວຢອກ, ອາເມລິກາ ເພື່ອແນໃສ່ແນະນຳກ່ຽວກັບບັນດາບຸລິມະສິດຂອງ ຫວຽດນາມໃນອາຍຸການທີ່ຈະດຳລົງຕຳແໜ່ງເປັນກຳມະການບໍ່ປະຈຳການຂອງສະພາຄວາມໝັ້ນຄົງ ສປຊ, ເມື່ອ ຫວຽດນາມດຳລົງຕຳແໜ່ງເປັນປະທານສະພາຄວາມໝັ້ນຄົງ ສປຊ ໃນເດືອນມັງກອນ ຂອງ ປີ 2020.
 ທ່ານ ດັ້ງດິ່ງກີ໊ຍ ເອກອັກຄະລັດຖະທູດ ຫວຽດນາມກ່າວຄຳເຫັນທີ່ເຫດການ (ພາບ: TTXVN) |
ກ່າວຄຳເຫັນທີ່ເຫດການ, ທ່ານ ດັ້ງດິ່ງກີ໊ຍ ເອກອັກຄະລັດຖະທູດ ຫວຽດນາມ, ຫົວໜ້າຄະນະຜູ້ຕ່າງໜ້າຫວຽດນາມ ປະຈຳ ສປຊ, ຢັ້ງຢືນວ່າ ຫວຽດນາມຈະມານະພະຍຍາມ ເພື່ອປະກອບສ່ວນເຂົ້າການສະກັດກັ້ນການປະທະກັນ, ເສີມຂະຫຍາຍການທູດປ້ອງກັນແລະ ຕ້ານແບບການທູດ ແລະ ແກ້ໄຂບັນດາການຂັດແຍ່ງໂດຍສັນຕິວິທີ. ຫວຽດນາມກໍ່ຈະພະຍາຍາມເຂົ້າຮ່ວມການປັບປຸງວິທີການເຮັດວຽກຂອງ ສະພາຄວາມໝັ້ນຄົງ ສປຊ ແລະ ຕັ້ງໜ້າຊຸກຍູ້ການຮ່ວມມືລະຫວ່າງ ສປຊ ແລະ ບັນດາອົງການຈັດຕັ້ງຢູ່ພາກພື້ນ.
ທ່ານ ດັ້ງດິ່ງກີ໊ຍ ຍັງໃຫ້ຮູ້ຕື່ມອີກວ່າ ຫວຽດນາມ ຈະເອົາໃຈໃສ່ເປັນພິເສດເຂົ້າຮ່ວມການປະກອບຄຳເຫັນໃນບັນດາບັນຫາໃຫຍ່ຄືການປົກປ້ອງສາມັນຊົນ, ປົກປັກຮັກສາ ພື້ນຖານໂຄງລ່າງທີ່ຈຳເປັນສຳລັບປະຊາຊົນຢູ່ບັນດາບ່ອນເກີດການປະທະກັນ… ຕາມທ່ານແລ້ວ, ການຕ້ານຜົນກະທົບຈາກການປ່ຽນແປງຂອງດິນຟ້າອາກາດສຳລັບສັນຕິພາບ ແລະ ຄວາມໝັ້ນຄົງກໍ່ແມ່ນບັນຫາທີ່ຫວຽດນາມ ຈະໄດ້ເອົາໃຈໃສ່ເປັນພິເສດໃນປີ2020.
ກ່ຽວກັບການພົວພັນລະຫວ່າງ ຫວຽດນາມ ແລະ ສປປ.ເກົາຫຼີ, ທ່ານ ດັ້ງດິ່ງກີ໊ຍ ໃຫ້ຮູ້ວ່າ ຫວຽດນາມສືບຕໍ່ມານະພະຍາຍາມຈົນສຸດຄວາມສາມາດຂອງຕົນເພື່ອໂຄສະນາສານ ໄປຍັງ ສປປ.ເກົາຫຼີທີ່ວ່າ ເປີດປະຕູ ແລະ ເຊື່ອມໂຍງເຂົ້າກັບໂລກ ຈະເຮັດໃຫ້ແຕ່ລະປະເທດມີຄວາມເຂັ້ມແຂງ ແລະ ພັດທະນາກ່ວາອີກ.