ຫວຽດນາມ ແບ່ງປັນປະສົບການໃນການປະຕິບັດບັນດານະໂຍບາຍກ່ຽວກັບເຮືອນຢູ່ ທີ່ຄະນະກໍາມະການພັດທະນາສັງຄົມ ສປຊ
(VOVWORLD) - ໃນລະຫວ່າງວັນທີ 10 – 19 ກຸມພາ, ທີ່ສໍານັກງານ ສປຊ, ຢູ່ນິວຢອກ ປະເທດ ອາເມລິກາ ໄດ້ດໍາເນີນກອງປະຊຸມຄັ້ງທີ 58 ຂອງ ຄະນະກໍາມະການພັດທະນາສັງຄົມ ດ້ວຍຫົວຂໍ້ “ເຮືອນຢູ່ລາຄາຖືກ ແລະ ການໜູນຊ່ວຍສັງຄົມ ເພື່ອແກ້ໄຂສະພາບການບໍ່ມີເຮືອນຢູ່”.
 ວາລະປະຊຸມທີ່ສະຫະປະຊາຊາດໃນວັນທີ 12/02/2020 (ພາບ: TTXVN ) |
ກ່າວຄໍາເຫັນທີ່ກອງປະຊຸມ, ຕາງໜ້າຄະນະຜູ້ແທນຫວຽດນາມ ໄດ້ເໜັ້ນໜັກເຖິງການແກ້ໄຂສະພາບການບໍ່ມີເຮືອນຢູ່ ແມ່ນຮຽກຮ້ອງໃຫ້ມີກອບນິຕິກໍາ ແລະ ນະໂຍບາຍຢ່າງຮອບດ້ານ; ພ້ອມທັງຢັ້ງຢືນເຖິງບົດບາດສໍາຄັນຂອງລະບົບໜູນຊ່ວຍສັງຄົມ ອັນໄດ້ຊ່ວຍແກ້ໄຂສະພາບການດັ່ງກ່າວໃຫ້ມີປະສິດທິຜົນ; ແບ່ງປັນການໜູນຊ່ວຍສັງຄົມຂອງຫວຽດນາມ, ລວມທັງບັນດານະໂຍບາຍໜູນຊ່ວຍຕາໜ່າງພື້ນຖານທີ່ສະໜອງການບໍລິການໜູນຊ່ວຍສັງຄົມໃນທົ່ວປະເທດ.
ຜູ້ຕາງໜ້າຫວຽດນາມ ກໍຢັ້ງຢືນເຖິງຄວາມມານະພະຍາຍາມຂອງຫວຽດນາມ ໃນການຮັບມືກັບການປ່ຽນແປງຂອງດິນຟ້າອາກາດ ແລະ ເນັ້ນໜັກວ່າ ການປ່ຽນແປງດິນຟ້າອາກາດໄດ້ສົ່ງຜົນສະທ້ອນໄປທົ່ວສັງຄົມ, ດັ່ງນັ້ນ, ປະຊາຊົນທຸກຄົນຕ້ອງຮ່ວມແຮງຮ່ວມໃຈກັນແກ້ໄຂ.
ຮຸຍຮວ່າງ - ນັກຂ່າວ ວິທະຍຸກະຈາຍສຽງຫວຽດນາມ ປະຈໍາ ອາເມລິກາ