(vovworld) – “ຂ້າພະເຈົ້າເອົາໃຈໃສ່ເຖິງຫວຽດນາມ, ຂ້າພະເຈົ້າຈະມາຢ້ຽມຢາມປະເທດຫວຽດນາມ ໃນປີ 2014 ນີ້ ແລະ ຈະພົບປະກັບນາຍົກລັດຖະມົນຕີຫວຽດນາມ”. ນັ້ນແມ່ນຄຳຢືນຢັນຂອງທ່ານປະທານາທິບໍດີຝລັ່ງ Francois Hollande ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ ປະຈຳຝລັ່ງ ທີ່ການຕ້ອນຮັບອວຍພອນປີໃໝ່ ປິມະເມຍ 2014 ບັນດາປະຊາຄົມອາຊີ ປະຈຳຝລັ່ງ ໂດຍວັງ Elysse ຈັດຕັ້ງໃນຕອນຄໍ່າວັນທີ 12/02. ຕາມທ່ານປະທານາທິບໍດີ Francois Hollande ແລ້ວ, ຄວາມແຮງກ້າແມ່ນຈຳເປັນ ເພື່ອສ້າງບັນດາບ້າດກ້າວພັດທະນາ, ຊອກຫາມາດຕະການແກ້ໄຂໃໝໃນການພົວພັນລະຫວ່າງ 2 ປະເທດ. ທ່ານປະທານາທິບໍດີ Francois Hollande ເວົ້າວ່າ.
“ຫວຽດນາມ ແລະ ຝລັ່ງ ພວມຮ່ວມມືດ້ານວັດທະນະທຳ. ຂ້າພະເຈົ້າໄດ້ເອົາໃຈໃສ່ເຖິງການພົວພັນກັບຫວຽດນາມ ແລະ ການເຂົ້າຮ່ວມຂອງຫວຽດນາມ ໃນກຸ່ມບັນດາປະເທດໃຊ້ພາສາຝລັ່ງ. 2 ປະເທດພວກເຮົາມີຄວາມຜຸກພັນ ຍ້ອນມີປະຫວັດສາດຮ່ວມ, ຍ້ອນທັງ 2 ຝ່າຍມີການທົດສອບໃນອະດີດຕະການ ແລະ ຍ້ອນປະຊາຊົນຫວຽດນາມ ອາໄສຢູ່ຝລັ່ງ ພວມເຄື່ອນໄຫວຢ່າງຕັ້ງໜ້າຢູ່ທີ່ນີ້.”
ສ່ວນທ່ານ Pascal Deguilhem, ປະທານກຸ່ມສະມາຊິກສະພາແຫ່ງຊາດມິດຕະພາບຝລັ່ງ - ຫວຽດນາມ ໃນສະພາແຫ່ງຊາດຝລັ່ງ ເນັ້ນໜັກວ່າ.
“ປີຝລັ່ງ ຢູ່ ຫວຽດນາມ ແລະ ປີຫວຽດນາມ ຢູ່ ຝລັ່ງ ຈະຊ່ວຍຊຸກຍູ້ການພົວພັນຮ່ວມມືລະຫວ່າງ 2 ປະເທດຢ່າງແຮງ, ນັບທັງທາງດ້ານການເມືອງ ແລະ ການຮ່ວມມືດ້ານເສດຖະກິດຢ່າງໝັ້ນຄົງ. ສະເພາະການຮ່ວມມືລະຫວ່າງສະພາແຫ່ງຊາດ 2 ປະເທດ ນັບມື້ນັບໄດ້ຮັບການເພີ່ມທະວີ. ປີ 2014, ກຸ່ມສະມາຊິກຂັ້ນສູງຂອງສະພາແຫ່ງຊາດ ຈະມາຢ້ຽມຢາມ ແລະ ເຮັດວຽກກັບບັນດາສະມາຊິກສະພາແຫ່ງຊາດຫວຽດນາມ.”