(vovworld) - ວັນທີ 29/07, ໃນການມາຢ້ຽມຢາມ ແລະ ເຮັດວຽກກັບການນຳແຂວງຕ່ຽນຢາງ, ທ່ານລັດຖະມົນຕີກະຊວງແຜນການແຫ່ງລາຊະອານາຈັກກຳປູເຈຍ Hou Eng ປາດຖະໜາວ່າ ແຂວງຕ່ຽນຢາງ ຈະເພີ່ມທະວີການຮ່ວມມື, ຊ່ວຍເຫຼືອບັນດາທ້ອງຖິ່ນຂອງກຳປູເຈຍ ໃນການພັດທະນາການຜະລິດກະສິກຳ. ໃນໄລຍະຢູ່ຢ້ຽມຢາມແຂວງຕ່ຽນຢາງ ໃນລະຫວ່າງວັນທີ 29/07 – 02/08, ລັດຖະມົນຕີກະຊວງແຜນການແຫ່ງລາຊະອານາຈັກກຳປູເຈຍ ພ້ອມດ້ວຍຄະນະໄດ້ເຮັດວຽກກັບພະແນກແຜນການ ແລະ ການລົງທຶນ; ກົມສະຖິຕິແຂວງຕ່ຽນຢາງ, ແບ່ງປັນບົດຮຽນກ່ຽວກັບການກໍ່ສ້າງ ແລະ ຊີ້ນຳແຜນການຂັ້ນແຂວງ, ເພື່ອສາມາດນຳໃຊ້ເຂົ້າໃນສະພາບຕົວຈິງຢູ່ບັນດາທ້ອງຖິ່ນຂອງກຳປູເຈຍ. ທ່ານຮອງປະທານຄະນະກຳມະການປະຊາຊົນແຂວງຕ່ຽນຢາງ ເລວັນເຮືອງ ພ້ອມກັບການນຳບາງພະແນກ, ຂະແໜງການຂອງແຂວງຕ່ຽນຢາງ ໄດ້ໃຫ້ການຕ້ອນຮັບ ແລະ ເຮັດວຽກກັບຄະນະປະຕິບັດງານຂອງກະຊວງແຜນການກຳປູເຈຍ; ແນະນຳກັບຄະນະບາງຜົນງານດີເດັ່ນໃນບັນດາຂົງເຂດເສດຖະກິດ, ສັງຄົມຂອງແຂວງ.