(vovworld) - ວັນທີ 26/9, ກະຊວງແຜນການ ແລະ ການລົງທຶນຫວຽດນາມ ສົມທົບກັບ ກະຊວງການຄ້າພາຍໃນ, ສະຫະກອນ ແລະ ປົກປ້ອງສິດຂອງຊົມໃຊ້ຂອງມາເລເຊຍ ໄດ້ລົງນາມໃນບົດບັນທຶກຊ່ວຍຈຳ (MOA) ກ່ຽວກັບການຮ່ວມມືພັດທະນາຂົງເຂດສະຫະກອນລະຫວ່າງສອງປະເທດ. ເຊິ່ງຕາມນັ້ນແລ້ວ, ສອງຝ່າຍຈະເພີ່ມທະວີ, ຊຸກຍູ້ ແລະ ພັດທະນາການຮ່ວມມືສອງຝ່າຍສຳລັບຂະບວນການສະຫະກອນບົນພື້ນຖານສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ. ບັນດາຂົງເຂດຮ່ວມມືລວມມີ ຍູ້ແຮງການພົວພັນແລກປ່ຽນການຄ້າລະຫວ່າງບັນດາສະຫະກອນຂອງສອງປະເທດ, ເປີດກວ້າງຕະຫຼາດໃຫ້ແກ່ບັນດາຜະລິດຕະພັນ ແລະ ການບໍລິການຂອງສະຫະກອນ; ແລກປ່ຽນຂໍ້ມູນຂ່າວສານ ແລະ ບັນດາຜູ້ຊ່ຽວຊານ; ຮ່ວມມືໃນການຄົ້ນຄວ້າລວມ ແລະ ໃຫ້ຄຳປຶກສາ, ສ້າງກຳລັງຄວາມສາມາດໃຫ້ບັນດາພະນັກງານ, ບັນດານັກຄຸ້ມຄອງສະຫະກອນ ແລະ ບັນດາການເຄື່ອນໄຫວພູມປັນຍາອື່ນໆ. ສອງຝ່າຍກໍຕົກລົງສ້າງຕັ້ງກຸ່ມປະຕິບັດງານຮ່ວມ ເພື່ອປະຕິບັດບົດບັນທຶກຊ່ວຍຈຳສະບັບດັ່ງກ່າວ.