ຫວຽດນາມ ແລະ ອັງກິດເຊັນບົດບັນທຶກຮ່ວມມືດ້ານປ້ອງກັນຊາດ
ວັນທີ 24/11, ຢູ່ນະຄອນຫຼວງລອນດອນ, ປະເທດອັງກິດ, ຫວຽດນາມ ແລະ ອັງກິດໄດ້ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືດ້ານປ້ອງກັນຊາດລະຫວ່າງສອງປະເທດ ຊື່ງໄດ້ຊີ້ແຈ້ງເຖິງບັນດາຂົງເຂດຮ່ວມມືຄື: ແລກປ່ຽນບັນດາຄະນະຜູ້ແທນຂັ້ນສູງ ເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈຊື່ງກັນ ແລະກັນ, ຍູ້ແຮງການຮ່ວມມືຄົ້ນຄ້ວາກ່ຽວກັບຍຸດທະສາດການປ້ອງກັນຊາດ; ເພີ່ມທະວີການຮ່ວມມືດ້ານບຳລຸງສ້າງພະນັກງານ ແລະພະລາກອນເຕັກນິກປ້ອງກັນຊາດ…. ຕອບສຳພາດຕໍ່ນັກຂ່າວຂ່າວສານຫວຽດນາມ, ທ່ານພົນຕີຫງວຽນຈີວິ້ງໃຫ້ຮູ້ວ່າ: ບົດບັນທຶກຊ່ວຍຈຳວ່າດ້ວຍການຮ່ວມມືດ້ານປ້ອງກັນຊາດ ລະຫວ່າງ ຫວຽດນາມ ແລະອັງກິດ ແມ່ນຂີດໝາຍໃນການພົວພັນດ້ານປ້ອງກັນຊາດ ຫວຽດນາມ ແລະ ອັງກິດ, ກຳນົດທິດທາງພັດທະນາການພົວພັນດ້ານປ້ອງກັນຊາດ ລະຫວ່າງສອງປະເທດໃນໄລຍະທີ່ຈະມາເຖິງ. ພາຍຫລັງພິທີລົງນາມ, ສອງຝ່າຍໄດ້ເຫັນດີເປັນເອກະສັນນຳກັນສ້າງຕັ້ງກຸ່ມປະຕິບັດວຽກງານປະສົມ ເພື່ອຊຸກຍູ້ການປະຕິບັດບົດບັນທຶກຊ່ວຍຈຳ.