(vovworld) - ວັນທີ 11/12, ກະຊວງການເງິນຫວຽດນາມ ແລະ ກະຊວງການຄັງອົດສຕາລີ ໄດ້ລົງນາມໃນບົດບັນທຶກຊ່ວຍຈຳ (MOU) ກ່ຽວກັບການຮ່ວມມືສອງຝ່າຍ. ຕາມນັ້ນແລ້ວ, 2 ຝ່າຍເພີ່ມທະວີການໜູນຊ່ວຍດ້ານເຕັກນິກກ່ຽວກັບການຄຸ້ມຄອງງົບປະມານ, ຕະຫຼາດການເງິນ, ຮັກສາເສດຖະກິດມະຫາພາກເປັນປົກກະຕິ ແລະ ບັນດານະໂຍບາຍປະຕິຮູບເສດຖະກິດ.
ພິທີລົງນາມໄດ້ດຳເນີນໄປຢູ່ Brisbane, ເມືອງເອກຂອງລັດ Queensland ເນື່ອງໃນໂອກາດການຢ້ຽມຢາມອົດສຕາລີ ຂອງທ່ານລັດຖະມົນຕີກະຊວງການເງິນ ເວືອງດິ່ງເຫ້ວ (Vuong Dinh Hue) ໃນລະຫວ່າງວັນທີ 10 – 14/12. ເລື່ອງລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານການເງິນ ໄດ້ຮັບຖືວ່າແມ່ນເຫດການທີ່ສຳຄັນ ເປັນຂີດໝາຍໃໝ່ໃນການພົວພັນຮ່ວມມືທີ່ນັບມື້ນັບແຂງແຮງລະຫວ່າງຫວຽດນາມ ແລະ ອົດສຕາລີ. ແລະ ກໍໃນວັນດຽວກັນ, ຄະນະຜູ້ແທນກະຊວງການເງິນ ໄດ້ໄປຢ້ຽມຢາມ ແລະ ເຮັດວຽກຢູ່ມະຫາວິທະຍາໄລ Queensland, ແລກປ່ຽນສະພາບການປະຕິບັດກົນໄກການເງິນຂອງໂຮງຮຽນຢ່າງມີປະສິດທິຜົນ ແລະ ມາດຕະການຕ່າງໆເພື່ອເພີ່ມທະວີການພົວພັນຮ່ວມມືກັບບັນດາມະຫາວິທະຍາໄລຫວຽດນາມ.
ຕາມແຜນການແລ້ວ, ຄະນະຜູ້ແທນກະຊວງການເງິນ ຈະໄປຢ້ຽມຢາມ ແລະ ເຮັດວຽກຢູ່ Melbourne, ເມືອງເອກລັດ Victoria ແລະ Sydney, ເມືອງເອກຂອງລັດ New South Wales ທັງແມ່ນຄະຄອນຫຼວງຂອງ ອົດສຕາລີ ໃນຊຸມມືຈະມາເຖິງ.