(vovworld) - ທ່ານລັດຖະມົນຕີກະຊວງ ຖະແຫຼງຂ່າວ ແລະ ສື່ສານ ຫວຽດນາມ ຫງວຽນບັກຊອນ ມີການເຈລະຈາກັບທ່ານລັດຖະມົນຕີກະຊວງສື່ສານ ແລະ ເຕັກໂນໂລຂໍ້ມູນຂ່າວສານ ອິນເດຍ Kapil Sibal, ໃນວັນທີ 4/7, ໃນຂອບເຂດການຢ້ຽມຢາມ ແລະ ເຮັດວຽກຢູ່ ອິນເດຍ. ທີ່ການເຈລະຈາ, ທ່ານລັດຖະມົນຕີ Sibal ຕີລາຄາວ່າຫວຽດນາມ ແມ່ນຄູ່ຮ່ວມມືສຳຄັນຂອງ ອິນເດຍ ໃນພາກພື້ນ ອາຊີຕາເວັນອອກສ່ຽງໃຕ້ ແລະ ເນັ້ນໜັກເລື່ອງເຊັນບົດບັນທຶກຊ່ວຍຈຳ (MoU) 2 ສະບັບກ່ຽວກັບການຮ່ວມມືເຕັກໂນໂລຢີຂໍ້ມູນຂ່າວສານຄັ້ງນີ້ແມ່ນບາດກ້າວກະໂດດຂັ້ນໃນການພົວພັນຮ່ວມມື 2 ຝ່າຍ, ພາຍຫຼັງລົງນາມໃນຂໍ້ຕົກລົງດັ່ງກ່າວ, 2 ກະຊວງຈະມີພື້ນຖານເພື່ອເພີ່ມທະວີການຮ່ວມມື. ບັນດາປະຊາຄົມວິສາຫະກິດ 2 ປະເທດ ຈະຜັນຂະຫຍາຍການປະຕິບັດຂໍ້ຕົກລົງຮ່ວມມືໂດຍໄວ. ຝ່າຍ ອິນເດຍ ຕີລາຄາສູງການພັດທະນາຢ່າງວ່ອງໄວຂອງ ຫວຽດນາມ ໃນຂົງເຂດເຕັກໂນໂລຂໍ້ມູນຂ່າວສານ. ທ່ານລັດຖະມົນຕີ Sibal ຖືວ່າ: ດ້ວຍທ່າແຮງກ່ຽວກັບຮາດແວ, ຫວຽດນາມ ຄວນສ້າງບັນດາບໍລິສັດຮ່ວມທຸລະກິດ, ຮ່ວມມືກັບ ອິນເດຍ. ໃນຂະນະນັ້ນ, ທ່ານລັດຖະມົນຕີ ຫງວຽນບັກຊອນ ເນັ້ນໜັກວ່າ: ຫວຽດນາມ ພ້ອມແລ້ວທີ່ຈະເປັນຂົວເຊື່ອມເພື່ອໃຫ້ ອິນເດຍ ແຊກແຊງເຂົ້າບັນດາຕະຫຼາດພາກພື້ນ ອາຊີຕາເວັນອອກສ່ຽງໃຕ້ ກໍ່ຄື ສ ເກົາຫຼີ ແລະ ຍີ່ປຸ່ນ.
ເມື່ອສິ້ນສຸດການເຈລະຈາ, ລັດຖະມົນຕີທັງ 2 ທ່ານສະເໜີສ້າງຕັ້ງຄະນະກຳມະການປະສົມໃນ 3 ຂົງເຂດຄື: ເຕັກໂນໂລຢີ, ສື່ສານ ແລະ ໄປສະນີ ເພື່ອເປັນພື້ນຖານໃຫ້ແກ່ການເຮັດວຽກແນໃສ່ຊຸກຍູ້ບັນດາຂໍ້ຕົກລົງຮ່ວມມື. ລັດຖະມົນຕີ 2 ທ່ານກໍ່ເປັນສັກຂີພິຍານພິທີເຊັນ MoU ຮ່ວມມືກ່ຽວກັບຄວາມຖີ່ ລະຫວ່າງກົມຄວາມຖີ່ວິທະຍຸ ຫວຽດນາມ (RFD) ແລະ ອົງການຄວາມຖີ່ວິທະຍຸ ອິນເດຍ ແລະ MoU ກ່ຽວກັບການຮ່ວມມືໂທລະຄົມລະຫວ່າງກົມໂທລະຄົມ ຫວຽດນາມ (VNTA) ກັບກົມດັດສົມໂທລະຄົມ ອິນເດຍ.