(vovworld) - ໂດຍຮັບຄຳເຊີນຂອງທ່ານປະທານສະພາແຫ່ງຊາດຫວຽດນາມ Nguyen Sinh Hung, ວັນທີ 5/9, ທ່ານປະທານສະພາຕໍ່າ ສ.ອິນໂດເນເຊຍ, ປະທານສະມັດຊາລັດຖະສະພາລະຫວ່າງຊາດອາຊຽນ (AIPA) Marzuki Alie, ໄດ້ເລີມຕົ້ນການຢ້ຽມຢາມ ແລະ ເຮັດວຽກຢູ່ຫວຽດນາມ ເປັນເວລາສອງວັນ. ການຢ້ຽມຢາມຄັ້ງນີ້ ແມ່ນໂອກາດເພື່ອໃຫ້ສອງຝ່າຍຢັ້ງຢືນຄວາມຕັດສິນໃຈສິນໃຈຊຸກຍູ້ການພົວພັນຫວຽດນາມ - ອິນໂດເນເຊຍ ຂຶ້ນສູ່ລະດັບຍຸດທະສາດ.
ໃຫ້ຂໍ້ສັງເກດກ່ຽວກັບແງ່ຫວັງການພົວພັນຫວຽດນາມ - ອິນໂດເນເຊຍ ໃນປະຈຸບັນ, ທ່ານລັດຖະມົນຕີການຕ່າງປະເທດຫວຽດນາມ Pham Binh Minh ຖືວ່າ.
“ດ້ວຍລະດັບຂອງການພົວພັນລະຫວ່າງຫວຽດນາມ - ອິນໂດເນເຊຍ ໃນປະຈຸບັນ, ພວກເຮົາມີພື້ນຖານຢ່າງຄົບຖ້ວນເພື່ອນຳການພົວພັນລະຫວ່າງສອງປະເທດໃຫ້ຂຶ້ນສູ່ລະດັບຄູ່ຮ່ວມມືຍຸດທະສາດ. ຄວາມໝາຍອີກອັນໜຶ່ງແມ່ນ ປະຈຸບັນພວກເຮົາຫາກໍສ້າງການພົວພັນຄູ່ຮ່ວມມືຍຸດທະສາດກັບບາງປະເທດ ແຕ່ຍັງບໍ່ທັນມີປະເທດໃດຢູ່ໃນອາຊີຕາເວັນອອກສຽງໃຕ້. ດ້ວຍທີ່ຕັ້ງບົດບາດໃນພາກພື້ນ ແລະ ສາກົນ ເລື່ອງອິນໂດເນເຊຍ ສ້າງການພົວພັນຄູ່ຮ່ວມມືຍຸດທະສາດນັ້ນແມ່ນຜົນປະໂຫຍດຂອງທັງສອງປະເທດ. ເພື່ອສັນຕິພາບ, ການຮ່ວມມືພັດທະນາ ແລະ ຄວາມໝັ້ນຄົງໃນພາກພື້ນອາຊີຕາເວັນອອກສຽງໃຕ້”.
ໃນການຢ້ຽມຢາມຫວຽດນາມ ຄັ້ງນີ້, ທ່ານປະທານສະພາຕໍ່າອິນໂດເນເຊຍ Marzuki Alie ແລະ ທ່ານປະທານສະພາແຫ່ງຊາດຫວຽດນາມ Nguyen Sinh Hung ຈະປຶກສາຫາລືມາດຕະການຕ່າງໆເພື່ອແນໃສ່ປະສານສົມທົບກັນຢ່າງແໜ້ນແຟ້ນໃນເວທີປາໄສພາກພື້ນ ແລະ ສາກົນກວ່າອີກ, ພິເສດແມ່ນສົມທົບກັນຍົກສູງບົດບາດໃຈກາງຂອງອາຊຽນ, ຊຸກຍູ້ບົດບາດຂອງລັດຖະສະພາລະຫວ່າງຊາດອາຊຽນ ໃນເລື່ອງສ້າງປະຊາຄົມລວມໃນປີ 2015, ນຳອາຊຽນກາຍເປັນອົງການ ການເມືອງ - ເສດຖະກິດ ສຳຄັນ ບໍ່ສະເພາະຢູ່ພາກພື້ນອາຊີຕາເວັນອອກສຽງໃຕ້ເທົ່ານັ້ນ, ຫາກຍັງເປີດກວ້າງ ແລະ ເສີມຂະຫຍາຍບົດບາດທີ່ຕັ້ງຢູ່ທົ່ວພາກພື້ນອາຊີ - ປາຊີຝິກອີກດ້ວຍ.