ຫວຽດນາມ ແລະ ອາເມລິກາເພີ່ມທະວີການຮ່ວມມືພັດທະນາເຕັກໂນໂລຊີຂໍ້ມູນຂ່າວສານ
ການເຮັດວຽກລະຫວ່າງ 2 ຝ່າຍ
(ພາບ: TTXVN)
(vovworld) - ວັນທີ 21/03, ຢູ່ຮ່າໂນ້ຍ, ທ່ານລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ ເຈືອງມິງຕ໋ວນ ໄດ້ມີການເຮັດວຽກກັບທ່ານເອກອັກຄະລັດທະທູດອາເມລິກາ ປະຈຳຫວຽດນາມ Ted Osius ເພື່ອແນໃສ່ຊຸກຍູ້ບັນດາໂຄງການຮ່ວມມືລະຫວ່າງຫວຽດນາມ ແລະ ອາເມລິກາ ໃນຂົງເຂດເຕັກໂນໂລຊີຂໍ້ມູນຂ່າວສານ. ທີ່ການເຮັດວຽກ, ທ່ານລັດຖະມົນຕີ ເຈືອງມິງຕ໋ວນ ສະເໜີໃຫ້ 2 ຝ່າຍຍູ້ແຮງການເຈລະຈາດ້ານນະໂຍບາຍເພື່ອສາມາດແບ່ງປັນ ແລະ ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນກ່ຽວກັບວິໄສທັດ, ການກຳນົດທິດ ກໍ່ຄືໃນການຈັດຕັ້ງ, ຜັນຂະຫຍາຍບັນດາການເຄື່ອນໄຫວຮ່ວມມືຢ່າງລະອຽດ. ຫວຽດນາມ ແລະ ອາເມລິກາ ໄດ້ສົມທົບກັນຈັດຕັ້ງບັນດາກອງປະຊຸມສຳມະນາ, ການໂອ້ລົມສົນທະນາແບ່ງປັນບົດຮຽນກ່ຽວກັບການຄຸ້ມຄອງ ແລະ ພັດທະນາບັນດາຮູບແບບການບໍລິການ ແລະ ຮູບແບບດຳເນີນທຸລະກິດໃໝ່ ໃນພື້ນຖານເສດຖະກິດດີຈີຕອນ ແລະ ສ້າງບັນດາກົນໄກສົມທົບກັນໃນການຮັບປະກັນຄວາມປອດໄພດ້ານຂໍ້ມູນຂ່າວສານທາງເຄືອຂ່າຍອິນເຕີແນັດຢ່າງມີປະສິດທິຜົນ… ທ່ານລັດຖະມົນຕີ ເຈືອງມິງຕ໋ວນ ກໍ່ສະເໜີໃຫ້ບັນດາວິສາຫະກິດອາເມລິກາ ອາດຈະເຂົ້າຮ່ວມ, ແບ່ງປັນເຕັກໂນໂລຊີ ແລະ ຮ່ວມມືກັນສ້າງມາດຕະຖານຕີລາຄານະຄອນສະຫຼາດ.
ສ່ວນທ່ານເອກອັກຄະລັດຖະທູດ Ted Osius ໃຫ້ຮູ້ວ່າ, ໃນໄລຍະຈະມາເຖິງ ຝ່າຍອາເມລິກາ ຈະມີການເຮັດວຽກກັບບັນດາທ້ອງຖິ່ນທີ່ພວມແມ່ນຈຸດສຸມໃນການກໍ່ສ້າງນະຄອນສະຫຼາດຄື: ຫາຍຟ່ອງ, ກວາງນິງ, ນະຄອນໂຮ່ຈິມິນ…