(vovworld) – ກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດໂລກຄັ້ງທີ 132 (IPU – 132) ຈະຈັດຕັ້ງໃນເດືອນ 3/2015 ຢູ່ຮ່າໂນ້ຍ. ນີ້ແມ່ນເຫດການເຕັມໄປດ້ວຍບັນດາສານສຳຄັນກ່ຽວກັບສັນຕິພາບ, ປະຊາທິປະໄຕ, ຄວາມກ້າວໜ້າ ແລະ ຄວາມຍຸຕິທຳທາງສັງຄົມ. ດັ່ງນັ້ນ, ຫວຽດນາມ ຕ້ອງກະກຽມໃຫ້ເຫດການສຳຄັນພິເສດນີ້, ສອດຄ່ອງກັບແຜນນະໂນບາຍ, ແນວທາງການຕ່າງປະເທດຂອງພັກ, ລັດຫວຽດນາມ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ, ຫົວໜ້າຄະນະຈັດຕັ້ງ IPU 132, ໄດ້ເນັ້ນໜັກຄືດັ່ງກ່າວທີ່ວາລະປະຊຸມຄົບຄະນະຈັດຕັ້ງ IPU 132, ຖືກຈັດຂຶ້ນໃນຕອນເຊົ້າວັນທີ 26/9, ຢູ່ຮ່າໂນ້ຍ.
ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ສະໜີວ່າ, ກ່ອນອື່ນໝົດແມ່ນບັນດາອົງການກ່ຽວຂ້ອງຄວນກະກຽມໃຫ້ຄະນະຜູ້ແທນຂອງ ຫວຽດນາມ ເຂົ້າຮ່ວມ IPU 131 ຢູ່ ສະວິດ ໃນເດືອນ 10/2014. ອີງໃສ່ເນື້ອໃນຂອງແຜນຮ່າງສັງລວມ, ບັນດາອະນຸກຳມະການສ້າງແຜນຮ່າງລະອຽດຢ່າງຮີບດ່ວນ, ເພີ່ມທະວີວຽກງານສົມທົບ, ເພື່ອແນໃສ່ປະຕິບັດວຽກງານຖືກກັບຄວາມຄືບໜ້າ, ມີປະສິດທິຜົນ, ປະກອບສ່ວນຍົກສູງທີ່ຕັ້ງບົດບາດຂອງ ຫວຽດນາມ ບົນເວທີສາກົນ. ກອງປະຊຸມໃຫຍ່ IPU 132 ຈະໄດ້ຮັບການຈັດຕັ້ງຢູ່ ຮ່າໂນ້ຍ, ດັ່ງນັ້ນ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ສະເໜີໃຫ້ນະຄອນຮ່າໂນ້ຍ ຄວນຈັດຕັ້ງບັນດາການເຄື່ອນໄຫວເພື່ອສ້າງຄວາມປະທັບໃຈອັນດີງາມໃຫ້ເພື່ອນມິດສາກົນ.