ຫວຽດນາມກະກຽມເປັນ ຢ່າງດີທີ່ສຸດເພື່ອເຂົ້າຮ່ວມ ກຳລັງປົກປັກຮັກສາ ສັນຕິພາບ ສປຊ
(ພາບປະກອບ)
(vovworld)- ເຂົ້າຮ່ວມກຳລັງປົກປັກຮັກສາສັນຕິພາບ ສປຊ ແມ່ນຄວາມຕັດສິນໃຈສຳຄັນທີາສຸດຂອງຫວຽດນາມ. ທ່ານຮ່າກີມງອກ, ຮອງລັດຖະມົນຕີການຕ່າງປະເທດຫວຽດນາມ ໄດ້ເນັ້ນນັກຄືແນວນັ້ນທີ່ກອງປະຊຸມສຳມະນາກ່ຽວກັບຮ່າງມະຕິຂອງສະພາແຫ່ງຊາດກ່ຽວກັບເລື່ອງຫວຽດນາມ ເຂົ້າຮ່ວມກຳລັງປົກປັກຮັກສາສັນຕິພາບ ສປຊ ຈັດຂຶ້ນໃນຕອນເຊົ້າວັນທີ 25/4 ຢູ່ຮ່າໂນ້ຍ.
ເພື່ອກະກຽມການເຂົ້າຮ່ວມນີ້, ນັບແຕ່ປີ 2005, ກະຊວງການຕ່າງປະເທດຫວຽດນາມ ໄດ້ສົມທົບກັບກະຊວງປ້ອງກັນປະເທດ ແລະ ບັນດາອົງການທີ່ກ່ຽວຂ້ອງດຳເນີນການຄົ້ນຄ້ວາລະອຽດ ຊອກຮູ້ສັງລວມເພື່ອເປັນທີ່ປຶກສາ, ສະເໜີກັບບການນຳພັກ, ລັດ, ລັດຖະບານກ່ຽວກັບແຜນນະໂຍບາຍເຂົ້າຮ່ວມ, ພ້ອມທັງກະກຽມບຸກຄະລາກອນ, ກຳລັງ, ພິເສດແມ່ນຮຽບຮຽງຮ່າງມະຕິກ່ຽວກັບການເຂົ້າຮ່ວມການເຄື່ອນໄຫວ ປົກປັກຮັກສາສັນຕິພາບຂອງ ສປຊ. ທ່ານຮອງລັດຖະມົນຕີການຕ່າງປະເທດ ຮ່າກີມງອກ ເນັ້ນໜັກວ່າ:
“ກອງປະຊຸມສຳມະນາມື້ນີ້ມີຄວາມໝາຍສຳຄັນເພື່ອປຶກສາຫາລື, ຮັບຟັງຄຳເຫັນປະກອບທີ່ກ້ວາງຂວາງຈາກຫຼາຍແງ່ມູມທີ່ແຕກຕ່າງກັນ, ບໍ່ພຽງແຕ່ແມ່ນຄຳເຫັນຂອງຜູ້ຕາງໜ້າບັນດາກະຊວງ, ຂະແໜງການທີ່ກ່ຽວຂ້ອງເທົ່ານັ້ນ, ຫາກຍັງແມ່ນຂອງບັນດານັກຄົ້ນຄ້ວາ, ຜູ້ຊ່ຽວຊານກ່ຽວກັບບັນດາບັນຫາຕົ້ນຕໍ່ຄື: ຫຼັກການ, ຈຸດປະສົງ, ທິດນຳເຂົ້າຮ່ວມກຳລັງປົກປັກຮັກສາສັນຕິພາບຂອງ ສປຊ. ບັນດາຄຳເຫັນປະກອບໃນມື້ນີ້ແມ່ນຈຳເປັນທີ່ສຸດເພື່ອຊ່ວຍະພວກຂ້າພະເຈົ້າສືບຕໍ່ສ້າງຮ່າງມະຕິເປັນສົບບູນແບບ ແລະ ຜັນຂະຫຍາຍການເຂົ້າຮ່ວມຂອງຫວຽດນາມ ຖືກກັບເວລາໄດ້ໃຫ້ຄຳໝັ້ນໝາຍ“./.