ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ
(ພາບປະກອບ)
|
Vovworld - ວັນທີ 14/1/2016, ເມື່ອຕອບຄຳຖາມຂອງນັກຂ່າວທີ່ສະເໜີໃຫ້ຮູ້ປະຕິກິລິຍາຂອງ ຫວຽດນາມ ຕໍ່ເຫດການບຸກໂຈມຕີກໍ່ການຮ້າຍທີ່ເກີດຂຶ້ນໃນວັນທີ 14/1/2016 ຢູ່ນະຄອນຫຼວງ ຈາກາຕາ, ປະເທດ ອິນໂດເນເຊຍ, ໂຄສົກກະຊວງການຕ່າງປະເທດ ຫວຽດນາມ ເລຫາຍບີ່ງ, ຊີ້ແຈ້ງວ່າ: “ຫວຽດນາມ ກ່າວປະມານເຫດການບຸກໂຈມຕີກໍ່ການຮ້າຍໃນວັນທີ 14/1/2016 ຢູ່ນະຄອນຫຼວງ ຈາກາຕາ, ປະເທດອິນໂດເນເຊຍ ເຮັດໃຫ້ຫຼາຍຄົນເສຍຊີວິດ ແລະ ຮັບບາດເຈັບ. ພວກຂ້າພະເຈົ້າຂໍແບ່ງເບົາຄວາມເສົ້າສະຫຼົດໃຈຢ່າງເລິກເຊິ່ງເຖິງລັດຖະບານ ອິນໂດເນເຊຍ ແລະ ຄອບຄົວບັນດາຜູ້ປະສົບເຄາະຮ້າຍ ແລະ ເຊື່ອໝັ້ນຢ່າງແຮງວ່າບັນດາຕົວການຂອງເຫດການນີ້ຈະຖືກລົງໂທດຢ່າງແຮງ.
ພາຍຫຼັງເກີດເຫດການ, ທ່ານເອກອັກຄະລັດຖະທູດ ຫວຽດນາມ ປະຈຳ ຈາກາຕາ ໄດ້ສ້າງຕັ້ງໂທລະສັບສາຍດ່ວນດ້ວຍເບີໂທ +62811161025 ເພື່ອກຽມພ້ອມໜູນຊ່ວຍພົນລະເມືອງ ຫວຽດນາມ ທີ່ປະສົບເຄາະຮ້າຍ. ຕາມຂໍ້ມຸນຂ່າວຈາກສະຖານທູດ ຫວຽດນາມ ປະຈຳ ຈາກາຕາ, ຮອດຈຸດເວລານີ້, ບໍ່ມີຂໍ້ມູນຂ່າວກ່ຽວກັບຊາວ ຫວຽດນາມ ຖືກເສຍຊີວິດ ຫຼື ຖືກຮັບບາດເຈັບໃນເຫດບຸກໂຈມຕີນີ້ເທື່ອ.”