ຫວຽດນາມຄຶກຄຶ້ນມ່ວນຊື່ນ ໃນວັນຄຼິດສມາດ
ຕອນຄ່ຳວັນທີ່ 24 ທັນວາ ບັນຍາກາດຕ້ອນຮັບວັນບຸນຄຼິດສມາດໄດ້ຟົດຟື້ນໄປທົ່ວປະເທດຫວຽດນາມ. ຢູ່ຮ່າໂນ້ຍ,ຢູ່ຕາມໂບດ, ຮ້ານຄ້າ, ໂຮງແຮມ ໃນຖະໜົນສາຍ ຕ່າງໆລ້ວນແຕ່ໄດ້ຮັບການປະດັບປະດາຢ່າງສວຍງາມ ດ້ວຍຕົ້ນແປກ, ສັນເຕີໂຄດ. ທຸກໆຄົນຕ່າງກໍ່ມ່ວນຊື່ນດ້ວຍໃບໜ້າສີຕາຍິ້ມແຍ່ມແຈ່ມໃສ, ສຽງເວົ້ານົວຫົວນວນ ປະສານກັບສຽງດົນຕີໃນວັນບຸນ ຄຼິດສມາດ ເປັນໜ້າປະທັບໃຈອີ່ຫຼີ. ນັກສຶກສາ ຫງວຽນ ແທງງ່າ ສັງກັດໂຮງຮຽນວິທະຍາໄລທ່ອງທ່ຽວຮ່າໂນ້ຍເປີດເຜີຍວ່າ : “ຕ້ອນຮັບວັນບຸນຄຼິດສມາດ, ພວກນ້ອງໄປໜອງ ໂຮ່ເກືອມ ແລະ ເຂົ້າໂບດເພື່ອເຫັນປະຈັກຕາບັນຍາກາດ ຕ້ອນຮັບວັນບຸນຄຼິດສມາດ, ເວົ້າລວມແລ້ວ ແມ່ນງາມຫຼາຍ. ວັນບຸນຄຼິດສມາດປີນີ້ ມີຄວາມສະດວກກ່ວາທຸກປີ, ເພາະວ່າວັນບຸນຄຼິດສມາດກົງກັບວັນອາທິດ, ດັ່ງນັ້ນຈຶ່ງມີເວລາໄປທ່ຽວຫຼິ້ນ ”
ສ່ວນອ້າຍ ມາຍກເລນ ນັກປະພັນຊາວຝະລັ່ງຊຶ່ງໄດ້ເຮັດວຽກຢູ່ຫວຽດນາມ ເປັນເວລາ 5 ປີ ໃຫ້ຮູ້ວ່າ : “ ຂ້າພະເຈົ້າຄິວ່າ ປະຈຸບັນການດຳລົງຊີວິດຂອງຂ້າພະເຈົ້າແມ່ນຕິດພັນກັບຫວຽດນາມ. ວັນບຸນຄຼິດສມາດຢູ່ຝະລັງ ກັບບຸນເຕັດຢູ່ຫວຽດນາມແມ່ນຄ້າຍຄືກັນ. ຂ້າພະເຈົ້າຈະແຕ່ງກິນ ແລະ ເຊື້ອເຊີນໝູ່ເພື່ອນມາຫຼິ້ນຢ່າງເບີກບານມ່ວນຊື່ນ ”