(vovworld) – ວັນທີ 26/09, ເມື່ອຕອບສຳພາດຕໍ່ນັກຂ່າວກ່ຽວກັບປະຕິກິລິຍາຂອງຫວຽດນາມ ສຳລັບການຕອບສຳພາດຕໍ່ສື່ມວນຊົນອາເມລິກາ ຫວ່າງແລ້ວນີ້ຂອງການນຳຈີນ ກ່ຽວຂ້ອງເຖິງໝູ່ເກາະເຈືອງຊາຂອງຫວຽດນາມ. ທ່ານນາງຮອງໂຄສົກກະຊວງການຕ່າງປະເທດຫວຽດນາມ ຟ້າມທູຮັ່ງ, ຊີ້ແຈ້ງວ່າ, ຫວຽດນາມ ມີພະຍານຫຼັກຖານດ້ານກົດໝາຍ ແລະ ພະຍານຫຼັກຖານດ້ານປະຫວັດສາດຢ່າງພຽງພໍ ເພື່ອຢັ້ງຢືນອະທິປະໄຕຂອງຫວຽດນາມ ສຳລັບໝູ່ເກາະຮ່ວາງຊາ ແລະ ເຈື່ອງຊາ. ທຸກການກະທຳກໍ່ສ້າງ, ເປີດກວ້າງຂອງຕ່າງປະເທດ ໃນບັນດາຫາດດອນຫີນຢູ່ເຂດໝູ່ເກາະຮ່ວາງຊາ, ເຈື່ອງຊາ ເຊິ່ງບໍ່ໄດ້ຮັບການອະນຸຍາດຈາກລັດຖະບານຫວຽດນາມ ລ້ວນແຕ່ຜິດກົດໝາຍ ແລະ ບໍ່ມີຄຸນຄ່າ. ທ່ານນາງ ຟ້າມທູຮັ່ງ ຖະແຫຼງວ່າ, ຫວຽດນາມ ຕັດສິນໃຈຄັດຄ້ານບັນດາການກະທຳດັ່ງກ່າວ ແລະ ສະເໜີໃຫ້ບັນດາຝ່າຍທີ່ກ່ຽວຂ້ອງປະຕິບັດຖະແຫຼງການກ່ຽວກັບການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ຢ່າງເຂັ້ມງວດ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບຢ່າງແທດຈິງຢູ່ທະເລຕາເວັນອອກ.