ທ່ານຮອງລັດຖະມົນຕີກະຊວງກະສີກຳ ແລະ ພັດທະນາຊົນນະບົດກ່າວຄຳເຫັນທີ່ກອງປະຊຸມສຳມະນາ
(ພາບ: TTXVN)
(vovworld) – ວິສາຫະກິດມີແຜນການປ້ອງກັນ, ຕ້ານໄພທຳມະຊາດ ແລະ ມີການກະກຽມເພື່ອຮັບມືກັບຄວາມສ່ຽງ ຈະຮັບປະກັນຮັກສາແຜນການຜະລິດ ດຳເນີນທຸລະກິດ, ປະກອບສ່ວນຫຼຸດຜ່ອນຜົນສະທ້ອນຈາກໄພທຳມະຊາດ ແລະ ຮັກສາການພັດທະນາພື້ນຖານເສດຖະກິດຢ່າງໝັ້ນຄົງ. ນີ້ແມ່ນເນື້ອໃນເຊິ່ງບັນດາຜູ້ແທນທີ່ຕ່າງໜ້າໃຫ້ 21 ພື້ນຖານເສດຖະກິດສະມາຊິກຂອງເວທີປາໄສຮ່ວມມືເສດຖະກິດອາຊີ - ປາຊີຝິກ (APEC) ເຕື້ອງເຖິງໃນ ກອງປະຊຸມສຳມະນາ APEC ກ່ຽວກັບຮັກສາການດຳເນີນທຸລະກິດໃຫ້ວິສາຫະກິດ ເພື່ອຟື້ນຟູພາຍຫຼັງໄພທຳມະຊາດ, ເຊິ່ງຈັດຂຶ້ນຢູ່ຮ່າໂນ້ຍ, ໃນຕອນເຊົ້າວັນທີ 8/5.
ກ່າວຄຳເຫັນໄຂກອງປະຊຸມສຳມະນາ, ທ່ານ ຫງວຽນຊວນຢ້ຽວ, ຮອງຫົວໜ້າກົມໃຫຍ່ຊົນລະປະທານ, ກະຊວງກະສີກຳ ແລະ ພັດທະນາຊົນນະບົດ, ຢືນຢັນວ່າ:
”ເພື່ອປະຕິບັດຍຸດທະສາດຫັນເປັນອຸດສາຫະກຳ ແລະ ທັນສະໄໝຂອງຫວຽດນາມ, ລັດຖະບານຫວຽດນາມ ໄດ້ມີຄວາມເອົາໃຈໃສ່ທີ່ສຸດ ເພື່ອໃຫ້ກຸ່ມວິສາຫະກິດພັດທະນາ, ໃນນັ້ນມີຈຸດໝາຍພັດທະນາຢ່າງໝັ້ນຄົງ. ຮ່າງກົດໝາຍວ່າດ້ວຍປ້ອງກັນ, ຕ້ານໄພທຳມະຊາດ ເຊິ່ງລັດຖະບານພວມຍື່ນສະເໜີຕໍ່ສະພາແຫ່ງຊາດ ແລະ ກະກຽມຮັບຮອງເອົານັ້ນ ໄດ້ຍົກອອກທັດສະນະຫັນວຽກງານປ້ອງກັນ, ຕ້ານ ແລະ ຫຼຸດຜ່ອນໄພທຳມະຊາດ ເປັນວຽກງານສັງຄົມ, ສົ່ງເສີມ ແລະ ສ້າງເງື່ອນໄຂ ເພື່ອໃຫ້ບັນດາວິສາຫະກິດເຂົ້າຮ່ວມ”