ຫວຽດນາມຈັດຕັ້ງກອງປະຊຸມສຳມະນາສົ່ງເສີມການຄ້າຢູ່ອີຢີບ
(ພາບປະກອບ: ອິນເຕີແນັດ)
(vovworld) – ວັນທີ 13/5, ຢູ່ ອີຢີບ, ສະຖານທູດຫວຽດນາມ ປະຈຳອີຢີບ ໄດ້ສົມທົບກັບຫ້ອງການການຄ້ານະຄອນ Ismailia ຈັດຕັ້ງການປະຊຸມສຳມະນາ “ຕະຫຼາດຫວຽດນາມ: ຄວາມສາມາດບົ່ມຊ້ອນ ແລະ ກາລະໂອກາດດຳເນີນທຸລະກິດ” ເພື່ອແນໃສ່ແນະນຳບັນດາກາລະໂອກາດຮ່ວມມືກັບ ຫວຽດນາມ ແລະ ສົ່ງເສີມການເຄື່ອນໄຫວການຄ້າ 2 ຝ່າຍ. ທ່ານເອກອັກຄະລັດຖະທູດຫວຽດນາມ ປະຈຳອີຢີບ ດ່າວແທ່ງຈຸງ ໄດ້ຍົກອອກບັນດາມາດຕະການ ເພື່ອແນໃສ່ຊອກຫາວິທີຊຸກຍູ້ການພົວພັນການຄ້າ 2 ຝ່າຍ. ທ່ານເອກອັກຄະລັດຖະທູດ ດ່າວແທ່ງຈຸງ ຖືວ່າ: ບັນດາວິສາຫະກິດ 2 ປະເທດ ຄວນຕັ້ງໜ້າເຂົ້າຮ່ວມບັນດາງານຕະຫຼາດນັດການຄ້າ, ງານວາງສະແດງ ແລະ ກອງປະຊຸມສຳມະນາການລົງທຶນ ເຊິ່ງ 2 ຝ່າຍ ໄດ້ຈັດຕັ້ງ ເພື່ອແນໃສ່ຊອກຫາບັນດາກາລະໂອກາດຮ່ວມມື. 2 ປະເທດມີຄວາມສາມາດບົ່ມຊ້ອນໃຫຍ່ທີ່ສຸດໃນບັນດາຂົງເຂດຄື: ກະສິກຳ, ປ່າໄມ້, ການປະມົງ, ສິນໃນນ້ຳ. ສະນັ້ນ, ບັນດາອົງການທີ່ກ່ຽວຂ້ອງຂອງ 2 ຝ່າຍຄວນເອົາໃຈໃສ່ຊອກຫາບັນດາມາດຕະການ ເພື່ອແນໃສ່ຂຸດຄົ້ນທ່າແຮງນີ້ໃຫ້ໄດ້ໂດຍໄວ ເພື່ອນຳມາເຊິ່ງຜົນປະໂຫຍດໃຫ້ແກ່ 2 ຝ່າຍ.