(ພາບປະກອບ)
(vovworld) - ວາລະສານເຕັກນິກຂອງອາເມລິກາ ສະບັບອອກວັນທີ 3/9 ມີບົດໄຈ້ແຍກ, ຊີ້ແຈ້ງການລະເບີດດ້ານເຕັກໂນໂລຢີຂໍ້ມູນຂ່າວສານ (IT) ຢູ່ຫວຽດນາມ, ໂດຍຖືວ່າ, ຫວຽດນາມ ອາດຈະກາຍເປັນຮ່ອມພູ Silicon ຂອງອາຊີຕາເວັນອອກສ່ຽງໃຕ້. ຕາມບົດຂຽນ, ກ່ອນນີ້ 15 ປີ, ຍາກທີ່ຈະຊອກເຫັນບໍລິສັດ IT ແຫ່ງໃດຢູ່ຫວຽດນາມ, ແຕ່ປະຈຸບັນໄດ້ມີວິສາຫະກິດ IT ເກືອບ 14.000 ແຫ່ງທີ່ຜະລິດ ແລະ ພັດທະນາຮາດແວ, ຊອບແວ ແລະດີຈີຕອນ. ປະຈຸບັນ, ລັດຖະບານຫວຽດນາມ ຖືຂະແໜງອຸດສາຫະກຳເຕັກໂນໂລຢີສູງຄືດັ່ງເສົາຄຳ້ຊຸກຍູ້ການເຕີບໂຕເສດຖະກິດຂອງປະເທດ. ຫວຽດນາມ ໄດ້ລົງທຶນຫຼາຍເຂົ້າໃນການກໍ່ສ້າງພື້ນຖານໂຄງລ່າງ ແລະ ຜ່ານບັນດານະໂຍບາຍເສດຖະກິດ ເພື່ອສົ່ງເສີມບັນດາວິສາຫະກິດທັງພາຍໃນ ແລະ ຕ່າງປະເທດລົງທຶນດຳເນີນທຸລະກິດຢູ່ຫວຽດນາມ. ແລະກໍ່ຕາມບົດຂຽນແລ້ວ, ເດືອນ 10 ຈະມາເຖິງ, ນະຄອນ ໂຮ່ຈີມິນຈະດຳເນີນກອງປະຊຸມ ເຕັກໂນໂລຢີຂໍ້ມູນຂ່າວສານຫວຽດນາມ ດ້ວຍການເຂົ້າຮ່ວມຂອງ 300 ກວ່າບໍລິສັດເຕັກໂນໂລຢີພາຍໃນປະເທດ ແລະ ສາກົນ ພ້ອມກັບ 20 ກວ່າມະຫາວິທະຍາໄລ. ນີ້ແມ່ນໂອກາດເພື່ອໃຫ້ຂະແໜງເຕັກໂນໂລຢີຂໍ້ມູນຂ່າວສານ ຫວຽດນາມ ສະແດງຕົນເອງຕໍ່ໂລກ ແລະ ທຸກຄົນຈະເຫັນໄດ້ການລະເບີດຂອງຂົງເຂດເຕັກໂນໂລຢີຂໍ້ມູນຂ່າວສານ ຢູ່ຫວຽດນາມ.