(ທ່ານລັດຖະມົນຕີກະຊວງແຜນການ ແລະ ການລົງທຶນ ບຸຍກວາງວິງ)
(vovworld) - ກ່າວຄຳເຫັນທີ່ເວທີປາໄສວິສາຫະກິດຫວຽດນາມ ປີ 2013, ທ່ານລັດຖະມົນຕີກະຊວງແຜນການ ແລະ ການລົງທຶນ ບຸຍກວາງວິງ ເນັ້ນໜັກວ່າ: ດ້ວຍຫົວຂໍ້ “ໄລຍະໃໝ່ຂອງວິວັດການປະຕິຮູບເສດຖະກິດ - ຈາກລາຍການເຖິງການເຄື່ອນໄຫວ”, ເວທີປາໄສແມ່ນຂົວເຊື່ອມຕໍ່ສຳຄັນຂອງລັດຖະບານ ແລະ ບັນດາວິສາຫະກິດຢູ່ພາຍໃນ ແລະ ຕ່າງປະເທດ. ນີ້ແມ່ນຮູບແບບສົ່ງເສີມການລົງທຶນຢູ່ກັບທີຢ່າງມີປະສິດທິຜົນ, ປະກອບສ່ວນຍົກສູງລັກສະນະດູດດື່ມ ແລະ ສະພາບແວດລ້ອມແຫ່ງການດຳເນີນທຸລະກິດຂອງຫວຽດນາມ. ທ່ານລັດຖະມົນຕີ ບຸຍກວາງວິງ ເນັ້ນໜັກວ່າ.
“ລັດຖະບານ ແລະ ປະຊາຄົມບັນດາວິສາຫະກິດ ຕ້ອງຍົກອອກບັນດາການເຄື່ອນໄຫວຢ່າງລະອຽດ ແທນບັນດານະໂຍບາຍກຳນົດທິດແບບລວມໆໃຫ້ແກ່ວິວັດການປະຕິຮູບເສດຖະກິດ ຈຸດສຸມແມ່ນປະຕິຮູບລັດວິສາຫະກິດ. ຄຽງຂ້າງການສັງເກດ, ຕີລາຄາບັນດາວຽກງານທີ່ເຮັດໄດ້ ເວທີປາໄສຕ້ອງຍົກອອກບັນດາສິ່ງທີ່ຄົງຄ້າງເພື່ອສຸມໃສ່ແກ້ໄຂໃນໄລຍະຈະມາເຖິງ”.
ແລະກໍ່ທີ່ເວທີປາໄສ, ມີບາງອົງການຈັດຕັ້ງສາກົນ, ບັນດານັກລົງທຶນຖືວ່າ ຫວຽດນາມ ຕ້ອງຫັນລະບຽບການດ້ານບໍລິຫານເປັນງ່າຍດາຍ ແລະ ປະຕິບັດບັນດາຂໍ້ກຳນົດຢ່າງຍຸຕິທຳ, ຄຽງຂ້າງນັ້ນ, ຕ້ອງມີກົນໄກຄຸ້ມຄອງຢ່າງມີປະສິດທິຜົນ, ກະຈາງແຈ້ງສຳລັບລັດວິສາຫະກິດ.