(ພາບປະກອບ)
(vovworld) - ຫວຽດນາມ ຈະເຂົ້າຮ່ວມງານວາງສະແດງ KL Converge (ເຕົ້າໂຮມ ກົວລາລຳເປີ) ດຳເນີນໃນລະຫວ່າງວັນທີ 27 – 29/8 ດ້ວຍການເຂົ້າຮ່ວມຂອງອົງການ,ວິສາຫະກິດສື່ມວນຊົນສຳຄັນຫລາຍແຫ່ງຄື: ສຳນັກຂ່າວສານ ຫວຽດນາມ, ວິທະຍຸໂທລະພາບ ຫວຽດນາມ, ວິທະຍຸກະຈາຍສຽງ ຫວຽດນາມ, ສະຫະສະມາຄົມ ອິນເຕີແນດ ຫວຽດນາມ, ກຸ່ມບໍລິສັດໄປສະນີໂທລະຄົມ ຫວຽດນາມ…ໃນບັນດາການເຄື່ອນໄວຢູ່ງານວາງສະແດງ, ຫວຽດນາມ ຈະວາງສະແດງ ແນະນຳກ່ຽວກັບຂະແໜງສື່ມວນຊົນ ຫວຽດນາມ; ຜະລິດຕະພັນ, ມາດຕະການວິສາຫະກິດເຕັກໂນໂລຊີຂໍ້ມູນຂ່າວສານ, ໂທລະຄົມ, ສື່ສານຫລາຍຮູບແບບ. ຄຽງຂ້າງນັ້ນ, ຫວຽດນາມກໍເຂົ້າຮ່ວມບັນດາກອງປະຊຸມສຳມະນາຫົວເລື່ອງສະເພາະ ດ້ວຍຫົວຂໍ້ ໂທລະຄົມ, ສື່ສານຫລາຍຮູບແບບ.
ງານວາງສະແດງດຶງດູດການເຂົ້າຮ່ວມຂອງບັນດາກຸ່ມບໍລິສັດໂທລະຄົມ, ເຕັກໂນໂລຊີຂໍ້ມູນຂ່າວສານຈາກປະເທດອາຊຽນ, ຈີນ, ຍີ່ປຸ່ນ, ສ.ເກົາຫຼີ ແລະ ບາງປະເທດ ເອີລົບ. ນີ້ແມ່ນຄັ້ງທີ 2 ຫວຽດນາມ ເຂົ້າຮ່ວມເຫດການສາກົນດັ່ງກ່າວ, ນີ້ກໍແມ່ນກາລະໂອກາດທີ່ດີ ເພື່ອໂຄສະນາພາບພົດປະເທດຊາດ ແລະ ຊາວຫວຽດນາມ; ແນະນຳຄວາມສາມາດປົ່ນຊ້ອນພັດທະນາໃນຂົງເຂດໂທລະຄົມ, ເຕັກໂນໂລຊີຂໍ້ມູນຂ່າວສານຂອງ ຫວຽດນາມ ໃນພາກພື້ນ ອາຊີຕາເວັນອອກສຽງໃຕ້.