ທ່ານ Edmond Mullet ແລະ ພົນຈັດຕະວາ ເຈີ່ນວັນມິງ
(ພາບ: Leduong/TTXVN)
(vovworld) - ຖະແຫຼງການດັ່ງກ່າວໂດຍແມ່ນທ່ານຮອງເລຂາທິການໃຫຍ່ສະຫະປະຊາຊາດ ຮັບຜິດຊອບການໜູນຊ່ວຍພື້ນທີ່ຕົວຈິງ Atul Khare ຍົກອອກໃນວັນທີ 13/8, ທີ່ການເຮັດວຽກກັບຄະນະພະນັກງານກະຊວງປ້ອງກັນປະເທດ ຫວຽດນາມ ໂດຍພົນຈັດຕະວາ ເຈີ່ນວັນມິງ, ຫົວໜ້າກົມນະໂຍບາຍ, ກົມໃຫຍ່ການເມືອງ ກອງທັບປະຊາຊົນ ຫວຽດນາມ ນຳໜ້າ. ທ່ານ Atul Khare ຢືນຢັນວ່າ: ສະຫະປະຊາຊາດຈະໜູນຊ່ວຍພິເສດໃຫ້ ຫວຽດນາມ ກໍຄືບັນດາປະເທດຫາກໍເຂົ້າຮ່ວມປະກອບບຸກຄະລາກອນໃຫ້ພາລະກຳຮັກສາສັນຕິພາບຂອງອົງການນີ້. ຕີລາຄາກ່ຽວກັບຄວາມສາມາດບົ່ມຊ້ອນຂອງນາຍທະຫານ ຫວຽດນາມ, ຜູ້ຊ່ວຍວຽກເລຂາທິການໃຫຍ່ສະຫະປະຊາຊາດກ່ຽວກັບບັນດາບັນຫາຮັກສາສັນຕິພາບ, ທ່ານ Edmond Mullet ສັງເກດວ່າ: ນາຍທະຫານ ຂອງ ຫວຽດນາມ ເຂົ້າຮ່ວມກຳລັງຮັກສາສັນຕິພາບໄດ້ຮັບການບຳລຸງສ້າງ ແລະ ຝຶກຊ້ອມເປັນຢ່າງດີ, ເຄື່ອນໄຫວມີປະສິດທິຜົນ.