ຫວຽດນາມຊົມເຊີຍນັກລົງທຶນຝະລັ່ງພັດທະນາພື້ນຖານໂຄງລ່າງຄົມມະນາຄົມ
(ພາບປະກອບ)
(vovworld) - ວັນທີ 03/08 ຢູ່ ຮ່າໂນ້ຍ, ທີ່ການຕ້ອນຮັບທ່ານ Fadi Selwan ປະທານທັງເປັນຜູ້ອຳນວຍການໃຫຍ່ຮັບຜິດຊອບການພັດທະນາເສັ້ນທາງດ່ວນຂອງກຸ່ມບໍລິສັດ Vinci (ຝະລັ່ງ), ທ່ານຮອງນາຍົກລັດຖະມົນຕີ ຈີ້ງດີງຢຸງ ຕີລາຄາສູງ ເລື່ອງກຸ່ມບໍລິສັດແຖວໜ້າໂລກກ່ຽວກັບການກໍ່ສ້າງ ແລະ ໂອນກຳມະສິດພື້ນຖານໂຄງລ່າງຄື Vinci ໄດ້ມີຄວາມເອົາໃຈໃສ່ ແລະ ປາດຖະໜາຢາກເປີດກ້ວາງການຮ່ວມມືກັບ ຫວຽດນາມ ໃນຂົງເຂດລົງທຶນ, ຂຸດຄົ້ນເສັ້ນທາງດ່ວນ. ທ່ານຮອງນາຍົກລັດຖະທມົນຕີໃຫ້ຮູ້ວ່າ: ຈຸດໝາຍຂອງ ຫວຽດນາມ ແມ່ນມາຮອດປີ 2020 ຈະເຊື່ອມຕໍ່ເສັ້ນທາງດ່ວນ ເໜືອ - ໃຕ້ໂດຍພື້ນຖານ, ພັດທະນາລະບົບເສັ້ນທາງດ່ວນບັນດາເຂດ, ພາກພື້ນ. ພ້ອມກັນນັ້ນ, ຈະຄົ້ນຄວ້າພັດທະນາສາຍທາງລົດໄຟຄວາມໄວສູງ, ກໍ່ສ້າງບັນດາທ່າອາກາດສະຍານໃຫຍ່. ດັ່ງນັ້ນ, ນີ້ແມ່ນໂອກາດ ເພື່ອໃຫ້ບັນດານັກລົງທຶນຕ່າງປະເທດເຂົ້າ ຫວຽດນາມ ຮ່ວມມື ເພື່ອເຂົ້າຮ່ວມການລົງທຶນ, ຂຸດຄົ້ນພື້ນຖານໂຄງລ່າງ. ທ່ານຮອງນາຍົກລັດຖະມົນຕີ ຈີ້ງ ດີງຢຸງ ສະເໜີວ່າ: ກຸ່ມບໍລິສັດ Vinci ເຮັດວຽກກັບບັນດາກະຊວງ, ຂະແໜງການ, ຄູ່ຮ່ວມມືຢູ່ ຫວຽດນາມ ໂດຍກົງ ເພື່ອຫັນແນວຄວາມຄິດການຮ່ວມມືເປັນລະອຽດໂດຍໄວ. ລັດຖະບານ ຫວຽດນາມ ຈະສ້າງທຸກເງື່ອນໄຂສະດວກ ເພື່ອໃຫ້ບັນດານັກລົງທຶນທີ່ມີຄວາມສາມາດບົ່ມຊ້ອນ, ບົດຮຽນເຂົ້າລົງທຶນພັດທະນາພື້ນຖານໂຄງລ່າງ, ພິເສດແມ່ນພື້ນຖານໂຄງລ່າງຄົມມະນາຄົມ.
ກ່າວຄຳເຫັນທີ່ການຕ້ອນຮັບ, ທ່ານ Fadi Selwan ຢືນຢັນວ່າ: ກຸ່ມບໍລິສັດ Vinci ປາດຖະໜາຢາກໄດ້ຮ່ວມມືກັບລັດຖະບານ, ຄູ່ຮ່ວມມືຕ່າງໆ ຫວຽດນາມ ໃນຂົງເຂດພັດທະນາເສັ້ນທາງດ່ວນ; ຮ່ວມມືແລກປ່ຽນບົດຮຽນ, ຖ່າຍທອດເຕັກໂນໂລຢີການຄຸ້ມຄອງ, ການນຳໃຊ້ເສັ້ນທາງດ່ວນ.