(vovworld) - ວັນທີ 11/04, ຄະນະຜູ້ແທນກະຊວງແຜນການ ແລະ ການລົງທຶນ ໂດຍທ່ານລັດຖະມົນຕີກະຊວງແຜນການ ແລະ ການລົງທຶນຫວຽດນາມ ຫງວຽນຈິ໋ຢຸງ ນຳໜ້າ, ໄດ້ມີບັນດາການພົບປະ ແລະ ເຮັດວຽກກັບສະຫະພັນສະມາຊິກລັດຖະສະພາບມິດຕະພາບຍີ່ປຸ່ນ - ຫວຽດນາມ, ກະຊວງຄົມມະນາຄົມຜືນແຜ່ນດິນແຫ່ງຊາດຍີ່ປຸ່ນ ແລະ ບັນດາອົງການຮ່ວມມືສາກົນຍີ່ປຸ່ນ (JICA). ໃນການພົບປະກັບທ່ານ Toshihiro Nikai, ປະທານສະຫະພັນສະມາຊິກລັດຖະສະພາມິດຕະພາບຍີ່ປຸ່ນ - ຫວຽດນາມ, ເລຂາທິການໃຫຍ່ພັກປະຊາຊົນເສລີ LDP, ທ່ານລັດຖະມົນຕີ ຫງວຽນຈິ໋ຢຸງ ປາດຖະໜາວ່າ ລັດຖະບານຍີ່ປຸ່ນ ຈະສະຫງວນແຫຼ່ງທຶນ ODA ດ້ວຍບັນດາເງື່ອນໄຂທີ່ດີກວ່າອີກໃຫ້ແກ່ຫວຽດນາມ.
ໃນການເຈລະຈາກັບທ່ານລັດຖະມົນຕີກະຊວງຄົມມະນາຄົມຜືນແຜ່ນດິນແຫ່ງຊາດຍີ່ປຸ່ນ Kenichi Ishi, ທ່ານລັດຖະມົນຕີ ຫງວຽນຈິ໋ຢຸງ ເນັ້ນໜັກວ່າ, ຫວຽດນາມ ຖືເປັນສຳຄັນການພົວພັນຄູ່ຮ່ວມມືຢ່າງເລິກເຊິ່ງ, ກ້ວາງຂວາງກັບຍີ່ປຸ່ນ ແລະ ປາດຖະໜາຢາກຊຸກຍູ້ການພົວພັນດັ່ງກ່າວໃຫ້ຂຶ້ນສູ່ລະດັບສູງໃໝ່.
ແລະກໍ່ໃນວັນດຽວກັນ, ທ່ານລັດຖະມົນຕີ ຫງວຽນຈິ໋ຢຸງ ໄດ້ມີການເຈລະຈາກັບທ່ານປະທານ JICA Kitaoka Shinichi. ທີ່ການເຈລະຈາ, ທ່ານລັດຖະມົນຕີ ຫງວຽນຈິ໋ຢຸງ ສະແດງຄວາມຂອບໃຈຕໍ່ການໜູນຊ່ວຍຢ່າງມີປະສິດທິຜົນຂອງລັດຖະບານຍີ່ປຸ່ນ ທີ່ສະຫງວນໃຫ້ແກ່ຫວຽດນາມ ໃນໄລຍະຜ່ານມາ, ພິເສດແມ່ນອົງການ JICA ແລະ ຢືນຢັນວ່າ, ມີໂຄງການໃຫຍ່ສຳຄັນຫຼາຍໂຄງການພວມເສີມຂະຫຍາຍປະສິດທິຜົນທີ່ດີໃນວິວັດການພັດທະນາ.