ຫວຽດນາມຍາມໃດກໍ່ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບເຢຍລະມັນ
ທ່ານຮອງນາຍົກລັດຖະມົນຕີ ຈິ້ງດິ່ງຢູ່ງ ເຮັດວຽກຢູ່ ແບກແລງ
(ພາບ: Trần Mạnh Hùng/TTXVN)
|
(vovworld) – ໃນຂອບເຂດການຢ້ຽມຢາມ ແລະ ເຮັດວຽກຢູ່ ສະຫະພັນ ເຢຍລະມັນ ແຕ່ວັນທີ 22 – 26/9, ທ່ານຮອງນາຍົກລັດຖະມົນຕີ ຫວຽດນາມ ຈິ້ງດິ່ງຢູ້ງ ນຳໜ້າຄະນະປະຕິບັດງານ ລັດຖະບານ ຫວຽດນາມ ເຮັດວຽກກັບຫຼາຍກະຊວງ, ຂະແໜງການ ກໍຄືວິສາຫະກິດຂອງ ເຢຍລະມັນ ເພື່ອແນໃສ່ຍູ້ແຮງກການພົວພັນຄູ່ຮ່ວມມືຍຸດທະສາດໃຫ້ແທດຈິງກ່ວາອີກ, ພິເສດໃນຂົງເຂດເສດຖະກິດ.
ທ່ານຮອງນາຍົກລັດຖະມົນຕີ ຈິ້ງດິ່ງຢູ້ງ ເຮັດວຽກກັບການນຳກະຊວງ ສິ່ງແວດລ້ອມ, ປົກປັກຮັກສາທຳມະຊາດ, ກໍ່ສ້າງ ແລະ ຮັບປະກັນຄວາມປອດໄພນິວເຄຼຍ ແລະ ກະຊວງຮ່ວມມືເສດຖະກິດ ແລະ ພັດທະນາ ສະຫະພັນ ເຢຍລະມັນ. ທີ່ການເຮັດວຽກຄັ້ງຕ່າງໆ, ທ່ານຮອງນາຍົກລັດຖະມົນຕີ ຈິ້ງດິ່ງຢູ້ງ ຢັ້ງຢືນວ່າ ຍາມໃດ ຫວຽດນາມ ກໍ່ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບ ເຢຍລະມັນ. ການພົວພັນຄູ່ຮ່ວມມືຍຸດທະສາດ ຫວຽດນາມ - ເຢຍລະມັນ ພວມພັດທະນາຢ່າງແຂງແຮງ, ເລິກເຊິ່ງ, ກ້ວາງຂວາງ, ມີປະສິດທິຜົນໃນທຸກຂົງເຂດ. ທ່ານຮອງນາຍົກລັດຖະມົນຕີ ຈິ້ງດິ່ງຢູ້ງ ໃຫ້ຮູ້ວ່າ ລັດຖະບານ ຫວຽດນາມ ພວມມານະພະຍາຍາມຜັນຂະຫຍາຍຫຼາຍມາດຕະການສ້າງສະພາບແວດລ້ອມເພື່ອໃຫ້ບັນດານັກລົງທຶນຕ່າງປະເທດ ໃນນັ້ນມີ ເຢຍລະມັນ, ເຄື່ອນໄຫວຢ່າງສະດວກ ແລະ ມີປະສິດທິຜົນຢູ່ ຫວຽດນາມ.
ພາຍຫຼັງການເຄື່ອນໄຫວຕ່າງໆຢູ່ ແບກແລງ, ຄະນະປະຕິບັດງານລັດຖະບານ ຫວຽດນາມ ໄດ້ໄປຍັງນະຄອນ Munich, ລັດ Bavaria. ນະທີ່ນີ້, ທ່ານຮອງນາຍົກລັດຖະມົນຕີ ຈິ້ງດິ່ງຢູ້ງ ເຮັດວຽກກັບກຸ່ມບໍລິສັດ Siemens, ຢ້ຽມຢາມໂຮງງານຜະລິດເຂດອຸດສາຫະກຳໄຟຟ້າຜະລິດຄືນໃໝ່.