ທ່ານນາງຮອງປະທານປະເທດ ດັ້ງທິງ້ອກທິ້ງ
ພົບປະກັບທ່ານປະທານາທິບໍດີ ໂປໂລຍ Andrzej Duda
(ພາບ: ສຳນັກຂ່າວສານຫວຽດນາມ)
(vovworld) – ເນື່ອງໃນໂອກາດເຂົ້າຮ່ວມກອງປະຊຸມສຸດຍອດແມ່ຍິງທົ່ວໂລກຄັ້ງທີ 26 ເຊິ່ງ ຈັດຕັ້ງຢູ່ນະຄອນຫລວງ Vacsava ຂອງ ສ.ໂປໂລຍ, ຕອນຄຳ່ວັນທີ 08/06 ທ່ານນາງຮອງປະທານປະເທດ ຫວຽດນາມ ດັ້ງທິງ້ອກທິ້ງ ໄດ້ພົບປະກັບທ່ານປະທານາທິບໍດີ ໂປໂລຍ Andrzej Duda. ນະທີ່ນີ້ ທ່ານປະທານາທິບໍດີ Andrzej Duda ຢືນຢັນວ່າ: ໂປໂລຍ ຍາມໃດກໍ່ຖືເປັນສຳຄັນການປັບປຸງ, ເພີ່ມທະວີການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ໂປໂລຍ ໃນຕະຫລອດ 66 ປີຜ່ານມາ ໄດ້ ແລະ ພວມພັດທະນາຢ່າງຕັ້ງໜ້າໃນຫລາຍຂົງເຂດ. ພິເສດແມ່ນການພົວພັນດ້ານການຄ້າ - ການລົງທຶນສືບຕໍ່ໄດ້ຮັບການພັດທະນາເປັນປົກກະຕິ. ໂປໂລຍ ສືບຕໍ່ເປັນລູກຄ້າແຖວໜ້າ ຂອງ ຫວຽດນາມ ຢູ່ພາກພື້ນເອີລົບກາງ - ເອີລົບຕາເວັນອອກ ດ້ວຍວົງເງິນການຄ້າ 2 ສົ້ນປີ 2015 ບັນລຸ 761 ລ້ານ USD. ທ່ານນາງຮອງປະທານປະເທດ ດັ້ງທິງ້ອກທິ້ງ ແລະ ທ່ານປະທານາທິບໍດີ Andrzej Duda ຖືວ່າ: 2 ປະເທດຍັງມີຄວາມສາມາດບົ່ມຊ້ອນພັດທະນາການຮ່ວມມືໃນບັນດາຂົງເຂດຄື: ເຕັກໂນໂລຢີສະບຽງອາຫານ, ຕ່ຳແຜ່ນຕັດຫຍິບ, ເຄື່ອງຈັກ, ອຸປະກອນການແພດ, ການຢາ…ທ່ານນາງຮອງປະທານປະເທດຢືນຢັນວ່າ: ຫວຽດນາມ ຍາມໃດກໍ່ເປີດປະຕູ, ສ້າງເງື່ອນໄຂສະດວກ ແລະ ສິ່ງແວດລ້ອມປອດໄພໃຫ້ບັນດານັກລົງທຶນຕ່າງປະເທດ, ໃນນັ້ນມີບັນດານັກລົງທຶນ ໂປໂລຍ.