ຫວຽດນາມຍາມໃດກໍ່ສ້າງເງື່ອນໄຂໃຫ້ບັນດາບຸກຄົນ,ວິສາຫະກິດດຳເນີນທຸລະກິດຢູ່ຫວຽດນາມ
ທ່ານຮອງນາຍົກລັດຖະມົນຕີຫວຽດນາມ ຈິ້ງດິ່ງຢຸງ
ຕ້ອນຮັບທ່ານ Irial Finanຮອງປະທານຜູ້ບໍລິຫານ ກຸ່ມບໍລິສັດCocaCola
(ພາບ: VGP)
(vovworld) – ຕອນບ່າຍ ວັນທີ 22/6, ໃນການຕ້ອນຮັບ ທ່ານ Irial Finan ຮອງປະທານ ຜູ້ບໍລິຫານ ກຸ່ມບໍລິສັດ Coca Cola, ທ່ານຮອງນາຍົກລັດຖະມົນຕີຫວຽດນາມ ຈິ້ງດິ່ງຢຸງ ຢືນຢັນວ່າ: ລັດຖະບານຫວຽດນາມ ຈະສືບຕໍ່ສຸມໃສ່ປັບປຸງລະບອບລະບຽບການ, ນະໂຍບາຍໃຫ້ສົມບູນແບບ, ປັບປຸງສະພາບແວດລ້ອມແຫ່ງການລົງທຶນ, ສ້າງເງື່ອນໄຂໃນການດຳເນີນທຸລະກິດຢ່າງໂປ່ງໃສ, ສະເໝີພາບ ໃຫ້ແກ່ບັນດາບຸກຄົນ, ວິສາຫະກິດ ທັງພາຍໃນ ແລະ ຕ່າງປະເທດ. ພ້ອມກັນນັ້ນ, ລັດຖະບານຫວຽດນາມ ກໍ່ເດັດດ່ຽວຮຽກຮ້ອງບັນດາວິສາຫະກິດ ປະຕິບັດຂໍ້ກຳນົດ ຂອງກົດໝາຍຫວຽດນາມ ໃນການປະຕິບັດພັນທະພາສີອາກອນ, ພັນທະໃນການຮັກສາສິ່ງແວດລ້ອມ ຢ່າງເຂັ້ມງວດ ແລະ ສົ່ງເສີມບັນດາວິສາຫະກິດ ມີການປະກອບສ່ວນ ໃຫ້ປະຊາຄົມປະຈຳຖິ່ນ ຫຼາຍກວ່າເກົ່າ.
ທ່ານ Irial Finan ຮອງປະທານຜູ້ບໍລິຫານ ກຸ່ມບໍລິສັດ Coca Cola ລາຍງານຕໍ່ທ່ານຮອງນາຍົກລັດຖະມົນຕີ ກ່ຽວກັບສະພາບການລົງທຶນຂອງກຸ່ມບໍລິສັດ ຢູ່ຫວຽດນາມ; ພ້ອມທັງ, ປາດຖະໜາວ່າ: Coca Cola ຈະກາຍເປັນວິສາຫະກິດໜຶ່ງທີ່ເປັນແບບຢ່າງ ໃນການປະຕິບັດບັນດາຂໍ້ກຳນົດ ກ່ຽວກັບການຮັກສາສິ່ງແວດລ້ອມ, ປະຕິບັດບັນດານະໂຍບາຍ ທີ່ກ່ຽວຂ້ອງເຖິງພາສີອາກອນ ຢ່າງໂປ່ງໃສ ແລະ ສືບຕໍ່ປະກອບສ່ວນເຂົ້າໃນບັນດາການເຄື່ອນໄຫວສັງຄົມ ຢູ່ຫວຽດນາມ ຢ່າງຕັ້ງໜ້າ.