(vovworld) - ຕອນບ່າຍວັນທີ 10/6, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບຄະນະຜູ້ແທນຜູ້ມີຄຸນງາມຄວາມດີເມືອງ ຟອງດຽນ, ແຂວງ ເທື່ອທຽນເຫ້ວ, ເນື່ອງໃນໂອກາດຄະນະມາຢ້ຽມຢາມນະຄອນ ຮ່າໂນ້ຍ, ເຂົ້າຄຳນັບສຸສານປະທານ ໂຮ່ຈີມິນ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ: ພັກ, ລັດ ຍາມໃດກໍ່ຮູ້ບູນຄຸນຕໍ່ການປະກອບເຫື່ອແຮງຢ່າງໃຫຍ່ຫຼວງຂອງແມ່ ຫວຽດນາມ ວິລະຊົນ, ບັນດານັກປະຕິວັດຜູ້ອາວຸໂສ, ທະຫານເຈັບປ່ວຍ, ຍາດຕິພີ່ນ້ອງທະຫານເສຍສະຫຼະຊີວິດເພື່ອຊາດ, ຜູ້ມີຄຸນງາມຄວາມດີຕໍ່ການປະຕິວັດ. ທ່ານຮອງນາຍົກລັດຖະມົນຕີ ເນັ້ນໜັກວ່າ: ພັກ, ລັດ ຍາມໃດກໍ່ເອົາໃຈໃສ່ ແລະ ຈະເຮັດຈົນສຸດຄວາມສາມາດຂອງຕົນເພື່ອຍົກສູງຊີວິດທາງດ້ານວັດຖຸກໍ່ຄືຈິດໃຈຂອງບັນດາຄອບຄົວເປົ້າໝາຍນະໂຍບາຍ, ຜູ້ມີຄຸນງາມຄວາມດີຕໍ່ປະເທດຊາດ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ຫວັງວ່າ ບັນດາມີຜູ້ມີຄຸນງາມຄວາມດີເມືອງ ຟອງດຽນ ສືບຕໍ່ແມ່ນແບບຢ່າງ, ຕັ້ງໜ້າເຂົ້າຮ່ວມບັນດາຂະບວນການແຂ່ງຂັນຮັກຊາດຢູ່ທ້ອງຖີ່ນ, ພິເສດແມ່ນຂະບວນການກໍ່ສ້າງຊົນນະບົດໃໝ່, ພ້ອມທັງສຶກສາອົບຮົມລູກຫຼານຮຳ່ຮຽນ, ອອກແຮງງານເປັນຢ່າງດີ, ປະກອບສ່ວນກໍ່ສ້າງບ້ານເກີດເມືອງນອນ, ປະເທດຊາດ.