(ພາບປະກອບ)
(vovworld) – ມາຮອດປະຈຸບັນ, ການເຄື່ອນໄຫວຮັກສາຄວາມປອດໄພ ແລະ ກວດການິວຄະເລຍຂອງຫວຽດນາມ ໄດ້ມີບາດກ້າວທີ່ຕັ້ງໜ້າ, ຕອບສະໜອງໄດ້ຄວາມຮຽກຮ້ອງຕ້ອງການຂອງປະເທດ ແລະ ໄດ້ຮັບການຮັບຮູ້ຈາກບັນດາອົງການຈັດຕັ້ງສາກົນ. ກົມຮັກສາຄວາມປອດໄພປະກາຍລັງສີ ແລະ ນິວຄະເລຍ, ສັງກັດກະຊວງວິທະຍາສາດ ເຕັກໂນໂລຢີ ໄດ້ດຳເນີນການກວດກາຕີລາຄາມາດຕະການປົກປ້ອງບັນດາຮາກຖານປະຕິບັດວຽກງານປະກາຍລັງສີ,ພ້ອມທັງສືບຕໍ່ປະຕິບັດໂຄງການ ຮັບປະກັນຄວາມປອດໄພໃຫ້ບັນດາແຫຼ່ງແຜ່ກຳມັນຕະພາບລັງສີທີ່ມີລະດັບອັນຕະລາຍສູງຢູ່ຫວຽດນາມ, ແລະ ໄດ້ປະຕິບັດສຳເລັດການຕິດຕັ້ງລະບົບຮັກສາຄວາມປອດໄພຢູ່ 22 ຮາກຖານທີ່ມີແຫຼ່ງແຜ່ກຳມັນຕະພາບລັງສີໃນລະດັບສູງ. ນອກນັ້ນກົມດັ່ງກ່າວ ກໍ່ໄດ້ສົມທົບກັບກົມໃຫຍ່ພາສີກະກຽມລະບຽບການຕ່າງໆ ເພື່ອມອບປະຕູກວດກາກຳມັນຕະພາບລັງສີຢູ່ສະໜາມບິນສາກົນໂນ້ຍບ່າຍ ໂດຍອົງການພະລັງງານນິວຄະເລຍສາກົນ (IAEA) ອຸປະຖຳ…