(ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ
ພົບປະທ່ານປະທານທະນາຄານໂລກ Jim Yong Kim)
(vovworld) – ໃນຂອບເຂດການຢ້ຽມຢາມ ອາເມລິກາ ຢ່າງເປັນທາງການ, ຕອນເຊົ້າວັນທີ 8/9, ທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ ໄດ້ມີການພົບປະກັບທ່ານປະທານທະນາຄານໂລກ (WB) Jim Yong Kim. ທ່ານປະທານສະພາແຫ່ງຊາດ ຫງວຽນຊິງຮຸ່ງ ໃຫ້ຮູ້ວ່າ: ຫວຽດນາມ ຍາມໃດກໍປາດຖະໜາຢາກ WB ສືບຕໍ່ໜູນຊ່ວຍ ຫວຽດນາມ ໃນວິວັດສ້າງລະບົບນະໂຍບາຍເສດຖະກິດການຕະຫລາດໃຫ້ສົມບູນແບບ; ເພີ່ມຂຶ້ນທຶນກູ້ຢືມພິເສດ, ພິເສດແມ່ນບັນດາແຫຼ່ງທຶນ ເພື່ອປະຕິບັດບັນດາເປົ້າໝາຍພັດທະນາແບບຍືນຍົງ, ຍົກລະດັບພື້ນຖານໂຄງລ່າງ ແລະ ລົບລ້າງຄວາມອິດຫົວ ຫລຸດຜ່ອນຄວາມທຸກຍາກ. ທ່ານປະທານທະນາຄານໂລກ (WB) Jim Yong Kim ເນັ້ນໜັກວ່າ: WB ຍາມໃດກໍເອົາໃຈໃສ່ເຖິງການໜູນຊ່ວຍ, ພັດທະນາໃຫ້ແກ່ບັນດາປະເທດ ໃນນັ້ນມີ ຫວຽດນາມ. WB ເອົາໃຈໃສ່ແບບພິເສດ ແລະ ພິຈາລະນາການໜູນຊ່ວຍ ຫວຽດນາມ ໃນການຮັບມືກັບບັນດາຜົນກະທົບຈາກການປ່ຽນຂອງແປງດິນຟ້າອາກາດ.
ຫລັງຈາກນັ້ນ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ເຂົ້າຮ່ວມກອງປະຊຸມສຳມະນາ ໂດຍ WB ຈັດຕັ້ງ ດ້ວຍຫົວຂໍ້ “ບົດບາດນັບມື້ນັບເພີ່ມຂຶ້ນຂອງສະພາແຫ່ງຊາດ ຫວຽດນາມ ທີ່ມີຕໍ່ການພັດທະນາຂອງປະເທດຊາດ”. ທີ່ກອງປະຊຸມສຳມະນາ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຊີ້ແຈ້ງວ່າ: ຫວຽດນາມ ໄດ້ສຳເລັດການປະຕິບັດບັນດາເປົ້າໝາຍສະຫັດສະວັດຂອງສະຫະປະຊາຊາດ, ພວມຍູ້ແຮງການພັດທະນາເສດຖະກິດ, ສັງຄົມ, ລົບລ້າງຄວາມອິດຫົວ ຫລຸດຜ່ອນຄວາມທຸກຍາກ, ຮັບໃຊ້ພາລະກິດປ່ຽນໃໝ່, ເຊື່ອມໂຄງເຂົ້າກັບສາກົນ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ໃຫ້ຮູ້ວ່າ: 2 ຄວາມເປັນຫ່ວງໃຫຍ່ 2 ຢ່າງຂອງ ຫວຽດນາມ ໃນປະຈຸບັນແມ່ນປົກປັກຮັກສາ, ສັນຕິພາບ, ຮັບປະກັນຄວາມສະຫງົບແຫ່ງຊາດ, ຮັກສາອະທິປະໄຕຂອງປະເທດຊາດ ແລະ ຮັບມືກັບການປ່ຽນແປງດິນຟ້າອາກາດເປັນຢ່າງດີ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ສະເໜີວ່າ:
“ປະກົດການທີ່ຮ້າຍແຮງຂອງດິນຟ້າອາກາດໄດ້ກໍ່ໃຫ້ເກີດນ້ຳຖ້ວມ, ດິນເຊາະເຈື່ອນ, ທຳລາຍບັນດາໝາກຜົນແຫ່ງການລົງທຶນໃນການລົບລ້າງຄວາມອິດຫິວ ຫລຸດຜ່ອນຄວາມທຸກຍາກຢູ່ ຫວຽດນາມ. ພວກຂ້າພະເຈົ້າ ຮຽກຮ້ອງໃຫ້ທະນາຄານໂລກ ຈົ່ງມີບັນດາວິທີການແກ້ໄຂທີ່ເໝາະສົມ ເພື່ອໃຫ້ປະເທດໜຶ່ງສາມາດຫລຸດພົ້ນອອກຈາກຄວາມທຸກຍາກແລ້ວ ສືບຕໍ່ພັດທະນາ, ສ້າງທຸກເງື່ອນໄຂ ເພື່ອໃຫ້ ຫວຽດນາມ ພ້ອມກັບໂລກແກ້ໄຂສັນຕິພາບ, ແກ້ໄຂການຂັດແຍ້ງ, ໂດຍສະເພາະແມ່ນແກ້ໄຂການປ່ຽນແປງຂອງດິນຟ້າອາກາດ ແລະ ປ້ອງກັນຫຼີກລ້ຽງໄພທຳມະຊາດ, ກາຍເປັນໂຄງການໃຫຍ່ຂອງໂລກ. ບໍ່ມີປະເທດໃດຈະສາມາດແກ້ໄຂໄພພິບັດທຳມະຊາດນີ້”.