ທ່ານນາງປະທານສະພາແຫ່ງຊາດ ຫງວຽນທິກີມເງິນ
ຕ້ອນຮັບທ່ານນາງ Victoria Kwawa
(vovworld) - ວັນທີ 07/06, ຢູ່ສຳນັກງານສະພາແຫ່ງຊາດ ຫວຽດນາມ ທ່ານນາງປະທານສະພາແຫ່ງຊາດ ຫງວຽນທິກີມເງິນ ໄດ້ໃຫ້ການຕ້ອນຮັບທ່ານນາງ Victoria Kwawa ຮອງຜູ້ອຳນວຍການແຫ່ງຊາດທະນາຄານໂລກ ຮັບຜິດຊອບພາກພື້ນອາຊີຕາເວັນອອກ - ປາຊີຟິກ. ນະທີ່ນີ້ ທ່ານນາງປະທານສະພາແຫ່ງຊາດ ຫງວຽນທິກີມເງິນ ຕີລາຄາສູງບົດລາຍງານ ຫວຽດນາມ 2035 ໂດຍທະນາຄານໂລກປະຈຳ ຫວຽດນາມ ຮຽບຮຽງ. ບົດລາຍງານເປັນເອກະ ສານສຳຄັນ, ປະກອບສ່ວນວາງອອກບັນດາກຳນົດທິດໄລຍະຍາວ ເພື່ອຊ່ວຍ ຫວຽດນາມ ກາຍເປັນປະເທດ ອຸດສາຫະກຳໂດຍໄວ, ປະຕິຮູບລະບອບເສດຖະກິດການຕະຫລາດຢ່າງຮອບດ້ານໃຫ້ເໝາະສົມກັບເງື່ອນໄຂຂອງ ຫວຽດນາມ. ກ່ຽວກັບຍຸດທະສາດພັດທະນາເສດຖະກິດສັງຄົມຂອງ ຫວຽດນາມ ໃນໄລຍະຈະມາເຖິງ, ທ່ານນາງປະທານສະພາແຫ່ງຊາດ ຫງວຽນທິກີມເງິນ ໃຫ້ຮູ້ວ່າ: ໃນເດືອນ 4/2016, ສະພາແຫ່ງຊາດ ຫວຽດນາມ ໄດ້ປະກາດໃຊ້ມະຕິກ່ຽວກັບແຜນການພັດທະນາເສດຖະກິດສັງຄົມ 2016 – 2020 ຕາມນັ້ນແລ້ວ, ຈັດວາງຈຸດໝາຍຕົ້ນຕໍແມ່ນເຮັດໃຫ້ເສດຖະກິດມະຫາພາກເປັນປົກກະຕິ, ຍູ້ແຮງການປະຕິບັດບັນດາບຸກທະລຸຍຸດທະສາດ, ສ້າງໂຄງປະກອບພື້ນຖານເສດຖະກິດຄືນໃໝ່ທີ່ຕິດພັນກັບການປ່ຽນໃໝ່ຮູບແບບເຕີບໂຕ, ຍົກສູງສະມັດຕະພາບ, ປະສິດທິຜົນ ແລະ ກຳລັງແກ່ງແຍ້ງ, ຮັບປະກັນຊີວິດສັງຄົມ ແລະ ເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ, ຄຸ້ມຄອງຊັບພະຍາກອນ ແລະ ປົກປັກຮັກສາສິ່ງແວດລ້ອມຢ່າງມີປະສິດທິຜົນ. ຄາດໝາຍເຕີບໂຕສະເລ່ຍແມ່ນ 6,5 – 7%/ປີ.