(vovworld) – ກ່ອນທີ່ຈະກ້າວເຂົ້າສູ່ປີໃໝ່ສາກົນ ປີ 2016, ທ່ານປະທານປະເທດ ເຈືອງເຕີນຊາງ ໄດ້ຕອບສຳພາດສື່ມວນຊົນກ່ຽວກັບກາລະໂອກາດ ແລະ ສິ່ງທ້າທາຍຂອງຫວຽດນາມ ໃນໄລຍະພັດທະນາ. ວິທະຍຸກະຈາຍສຽງຫວຽດນາມ ໄດ້ຄັດສະເໜີບາງເນື້ອໃນຕີລາຄາ ແລະ ຂໍ້ສັງເກດທີ່ສຳຄັນຂອງທ່ານປະທານປະເທດ ເຈືອງເຕີນຊາງ ກ່ຽວກັບການຍູ້ແຮງ ພາລະກິດປ່ຽນໃໝ່, ພັດທະເສດຖະກິດ-ສັງຄົມໄວ ແລະ ຍືນຍົງຢ່າງຮອບດ້ານ.
ເມື່ອຕີລາຄາກ່ຽວກັບຜົນງານພົ້ນເດັ່ນດ້ານເສດຖະກິດ - ສັງຄົມ ເຊິ່ງຫວຽດນາມ ບັນລຸໄດ້ໃນປີ 2015, ທ່ານປະທານປະເທດ ເຈືອງເຕີນຊາງ ຖືວ່າ, ນີ້ແມ່ນປີທີ່ປະສົບກັບຄວາມຫຍຸງຍາກຫຼາຍຢ່າງ ນັບທັງສະພາບພາຍໃນປະເທດ ກໍຄືໃນພາກພຶ້ນ, ແຕ່ດ້ວຍຄວາມມານະພະຍາຍາມລວມຂອງທົ່ວພັກ, ທົ່ວປວງຊົນ, ທົ່ວກອງທັບ, ໝາກຜົນການພັດທະນາເສດຖະກິດ ສັງຄົມ ຍັງຕັ້ງໜ້າພໍສົມຄວນ, ລະດັບເຕີບໂຕດ້ານເສດຖະກິດສູງພໍສົມຄວນ, ເສດຖະກິດມະຫາພາກມີສະຖຽນລະພາບດີພໍສົມຄວນ, ກຳລັງຄວາມສາມາດດ້ານເສດຖະກິດຂອງປະເທດໄດ້ເພີ່ມຂຶ້ນ. ປີ 2015 ກໍແມ່ນປີທີ່ຫວຽດນາມ ລົງນາມໃນບັນດາສັນຍາການຄ້າເສລີລຸ້ນໃໝ່, ດ້ວຍມາດຖານສູງ ແລະ ຮອບດ້ານ, ຕະຫຼາດຈະໄດ້ຮັບການເປີດກວ້າງ.
ກ່ຽວກັບຄຸນນະພາບແຫຼ່ງຊັບພະຍາກອນມະນຸດເພື່ອຕອບສະໜອງຄວາມຕ້ອງການໃນການເຊື່ອມໂຍງ, ພັດທະນາ, ທ່ານປະທານປະເທດ ເຈືອງເຕີນຊາງ ຖືວ່າ, ການເຊື່ອມໂຍງຢ່າງເລິກເຊິ່ງ, ກວ້າງຂວາງຮຽກຮ້ອງຕ້ອງມີຄຸນນະທາດ, ວິທີເຮັດວຽກຂອງຖັນແຖວພະນັກງານລັດຖະກອນ ຕ້ອງແຕກຕ່າງກັນຫຼາຍເມື່ອທຽບໃສ່ເມື່ອກ່ອນ. ສະນັ້ນ, ຫວຽດນາມ ຄວນຍົກສູງກຳລັງແກ່ງແຍ້ງຂອງຜະລິດຕະພັນ, ວິສາຫະກິດ ແລະ ທັງພື້ນຖານເສດຖະກິດ… ໃນໄລຍະຈະມາເຖິງ, ຫວຽດນາມ ຕ້ອງສືບຕໍ່ຍູ້ແຮງ ແລະ ຍົກສູງປະສິດທິພາບ, ປະສິດທິຜົນການຄຸ້ມຄອງລັດ, ຕອບສະໜອງຄວາມຮຽກຮ້ອງຕ້ອງການໃນໄລຍະຫັນການຄ້າເປັນເສລີ ແລະ ເຊື່ອມໂຍງຢ່າງເລິກເຊິ່ງ, ກວ້າງຂວາງຂອງປະເທດຊາດ. ທ່ານປະທານປະເທດເນັ້ນໜັກວ່າ, ເຊື່ອມໂຍງແຕ່ຕ້ອງສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ.
ເມື່ອຕອບຄຳຖາມກ່ຽວກັບສະພາບການທີ່ຫວຽດນາມ ພວມປະເຊີນໜ້າກັບບັນດາສິ່ງທ້າທາຍທີ່ຮ້າຍແຮງກ່ຽວກັບອະທິປະໄຕ ແລະ ຜືນແຜ່ນດິນອັນຄົບຖ້ວນ, ທ່ານປະທານປະເທດ ເຈືອງເຕີນຊາງ ຊີ້ແຈ້ງວ່າ, ກຸ່ມກ້ອມມະຫາສາມັກຄີທົ່ວປວງຊົນທັງຊາດ, ກຳລັງພາຍໃນຂອງປະເທດ ແມ່ນແຫຼ່ງກຳລັງແຮງທີ່ໃຫຍ່ຫຼວງເພື່ອໃຫ້ປະຊາຊົນຫວຽດນາມ ປົກປັກຮັກສາປະເທດຊາດ. ທ່ານປະທານປະເທດ ຢືນຢັນວ່າ, ທັດສະນະສະເໝີຕົ້ນສະເໝີປາຍຂອງຫວຽດນາມ ແມ່ນ ຫວຽດນາມ ຢາກເປັນເພື່ອນມິດກັບທຸກໆປະເທດໃນປະຊາຄົມສາກົນ, ເພື່ອສັນຕິພາບ, ການຮ່ວມມື ແລະ ການພັດທະນາ. ການສະໜັບສະໜູນຂອງປະຊາຄົມສາກົນສຳລັບວິວັດການປ່ຽນໃໝ່, ສ້າງສາ ແລະ ປົກປັກຮັກສາປະເທດຊາດຂອງຫວຽດນາມ ນັບມື້ນັບຫຼາຍ. ນີ້ແມ່ນກຳລັງແຮງອັນໃຫຍ່ຫຼວງເພື່ອໃຫ້ຫວຽດນາມ ປົກປັກຮັກສາອະທິປະໄຕ, ຜືນແຜ່ນດິນອັນຄົບຖ້ວນໄວ້ຢ່າງໝັ້ນຄົງ.
ທ່ານປະທານປະເທດ ເຈືອງເຕີນຊາງ ຊີ້ແຈ້ງວ່າ, ປີ 2016 ແມ່ນປີບານພັບລະຫວ່າງ 2 ອາຍຸການກອງປະຊຸມໃຫຍ່ຂອງພັກ, ສະພາແຫ່ງຊາດ, ລັດຖະບານ, ແມ່ນເປັນປີເຊື່ອມຕໍ່ລະຫວ່າງ 2 ແຜນການ 5 ປີ 2011 – 2015 ແລະ 2016 – 2020. ໃນປີ 2016 ແລະ ໄລຍະ 5 ປິຈະມາເຖິງ, ຄວາມສະດວກໄດ້ເພີ່ມຂຶ້ນໃນຫຼາຍດ້ານ, ແຕ່ຄວາມຫຍຸ້ງຍາກ, ສິ່ງທ້າທາຍກໍໃຫຍ່ຫຼວງຢູ່. ໃນສະພາບການນັ້ນ, ຮຽກຮ້ອງໃຫ້ທົ່ວພັກ, ທົ່ວປວງຊົນ, ທົ່ວກອງທັບຫວຽດນາມ ຕ້ອມມານະພະຍາຍາມສູ້ສົນຢ່າງສູງກວ່າ, ແຮງກວ່າ, ຍູ້ແຮງພາລະກິດປ່ຽນໃໝ່ຢ່າງຮອບດ້ານ, ພັດທະນາເສດຖະກິດຢ່າງໄວ ແລະ ໝັ້ນຄົງ…