ທ່ານຟ້າມບີງມີງ, ຮອງນາຍົກລັດຖະມົນຕີ ຫວຽດນາມພ້ອມກັບຜູ້ແທນບັນດາປະເທດເຂົ້າຮ່ວມກອງປະຊຸມ
ພາບ:TTXVN
|
(vovworld)- ແຕ່ວັນທີ 22-24/3, ທ່ານຟ້າມບີງມີງ, ຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດ ຫວຽດນາມ ໄດ້ເຂົ້າຮ່ວມກອງປະຊຸມຂັ້ນສູງຮ່ວມມືແມ່ນ້ຳຂອງ - ລ້ານຊ້າງຄັ້ງປະຖົມມະເລິກ ແລະ ກອງປະຊຸມປະຈຳປີເວທີປາໄສ ອາຊີ ປົວຢາວ ຢູ່ ແຂວງ ໄຮ່ຫນານ ປະເທດຈີນ. ເມື່ອຕອບສຳພາດຕໍ່ນັກຂ່າວເນື່ອງໃນເຫດການນີ້, ທ່ານ ດັ້ງມີງຄອຍ, ເອກອັກຄະລັດຖະທູດຫວຽດນາມ ປະຈຳຈີນ ຖືວ່າ: ການຮ່ວມມືແມ່ນ້ຳຂອງ- ລ້ານຊ້າງ (MLC) ປະກອບສ່ວນສຳຄັນເຂົ້າໃນການຊຸກຍູ້ການພົວພັນຄູ່ຮ່ວມມືຍຸດທະສາດ ອາຊຽນ - ຈີນ. ກອງປະຊຸມຄັ້ງນີ້ ຄາດວ່າຈະຮັບຮອງເອົາ “ຖະແຫລງການຮ່ວມ ຊານຢາ,ໃນນັ້ນ ວາງອອກບັນດາຫລັກການ ແລະ ການກຳນົດທິດຍາວນານໃຫ້ແກ່ການຮ່ວມມື MLC.
ກ່ຽວກັບການພົວພັນລະຫວ່າງຫວຽດນາມ ແລະ ຈີນ, ທ່ານເອກອັກຄະລັດຖະທູດ ດັ້ງມີງຄອຍ ໃຫ້ຮູ້ວ່າ: ການພົວພັນລະຫວ່າງຫວຽດນາມ ແລະ ຈີນ ໃນໄລຍະຜ່ານມາ ແມ່ນຮັກສາທ່າອ່ຽງປັບປຸງ ແລະ ພັດທະນາຢ່າງຕັ້ງຫນ້າ. ກ່ຽວຂ້ອງເຖິງບັນຫາທະເລຕາເວັນອອກ, ທ່ານເອກອັກຄະລັດຖະທູດ ດັ້ງມີຄອຍ ເນັ້ນຫນັກເຖິງຄວາມຈຳເປັນຕ້ອງເຄົາລົບຄວາມຮັບຮູ້ລວມຊື່ງການນຳຂັ້ນສູງສອງພັກ, ສອງລັດບັນລຸໄດ້ກ່ຽວກັບການແກ້ໄຂບັນຫາທະເລ.