ຫວຽດນາມຕັ້ງໜ້າ ຮັບມືກັບລົມພະຍຸ Sinlaku
(ພາບ: vov)
(vovworld)- ຕອນເຊົ້າວັນທີ 29/11, ທ່ານກາວດຶກຟາດ, ລັດຖະມົນຕີວ່າການກະຊວງກະສິກຳ ແລະ ພັດທະນາຊົນນະບົດ ໄດ້ນຳໜ້າຄະນະປະຕິບັດງານ ລົງກວດກາວຽກງານຮັບມືກັບລົມພະຍຸ Sinlaku ຢູ່ແຂວງບິງດິ້ງ. ເມື່ອເຮັດວຽກກັບການນຳຫຼັກແຫຼ່ງ ແລະ ບັນດາຂະແໜງການຂອງແຂວງ, ທ່ານລັດຖະມົນຕີກາວດຶກຟາດ ຕີລາຄາສູງຈິດໃຈຕັ້ງໜ້າ, ເປັນເຈົ້າການຂອງບິ່ງດິ້ງໃນການຜັນຂະຫຍາຍບັນດາມາດຕະການຮັບມືກັບລົມພະຍຸຢ່າງທັນການ. ຮັບປະກັນຄວາມປອດໄພໃຫ້ກຳປັ່ນຫາປາ ແລະ ຊາວປະມົງບົນທະເລ. ທ່ານລັດຖະມົນຕີກາວດຶກຟາດ ຮຽກຮ້ອງຕ້ອງປະຕິບັດ “ຄຳສັ່ງເກຶອດຫ້າມໄປມາບົນທະເລ“, ບໍ່ໃຫ້ກຳປັ່ນອອກໄປສູ່ທະເລ ແລະ ຊາວປະມົງບໍ່ໄດ້ຢູ່ໃນກຳປັ່ນ ຫຼືບ່ອນລ້ຽງປູກສິນໃນນ້ຳບົນທະເລ, ແມ່ນ້ຳ…ແຂວງຕ້ອງຕິດຕາມກວດກາການຜັນແປຂອງລົມພະຍຸ ແລະ ກະກຽມບັນດາກຳລັງ, ພາຫະນະກຽມພ້ອມຮັບມືເມືອ່ມີຄຳສັ່ງຈຳເປັນ; ທ່ານໃສ່ໃຈວ່າ, ພາຍຫຼັງເກີດລົມພະຍຸຕ້ອງມີຄວາມລະມັດລະວັງ ແລະ ເປັນເຈົ້າການຮັບປະກັນຫຼັກອະນາໄມໃນເຂດຖືກນ້ຳຖ້ວມ./.