(vovworld) – ເນື່ອງໃນໂອກາດເຂົ້າຮ່ວມກອງປະຊຸມສຸດຍອດສະຫະປະຊາຊາດ ທີ່ນິວຢອກ, ວັນທີ 28/09, ທ່ານປະທານປະເທດ ເຈືອງເຕີນຊາງ ໄດ້ໃຫ້ການຕ້ອນຮັບຜູ້ຕາງໜ້າການຄ້າອາເມລິກາ Michael Froman. ທີ່ການຕ້ອນຮັບ, ທ່ານປະທານປະເທດ ສະເໜີໃຫ້ຝ່າຍອາເມລິກາ ຕັ້ງໜ້າຕອບສະໜອງບັນດາຂໍ້ສະເໜີຂອງຫວຽດນາມ ກ່ຽວກັບການເປີດຕະຫຼາດ, ສ້າງເງື່ອນໄຂສະດວກໃຫ້ສິນຄ້ານຳເຂົ້າຂອງຫວຽດນາມ, ໃນນັ້ນມີເລື່ອງສະກັດກັ້ນບັນດາຮົ້ວກີດຂວາງດ້ານການຄ້າສຳລັບສິນຄ້ານຳເຂົ້າຈາກຫວຽດນາມ. ທັງ 2 ປະເທດກໍເພີ່ມທະວີການຮ່ວມມື ບົນເນື້ອໃນຈິດໃຈຖະແຫຼງການກ່ຽວກັບວິໄສທັດລວມລະຫວ່າງຫວຽດນາມ ແລະ ອາເມລິກາ ເພື່ອສາມາດປະຕິບັດບັນດາຄຳໝັ້ນສັນຍາ ແລະ ພັນທະໃນ TPP ເປັນຢ່າງດີເໝາະສົມກັບກົດໝາຍສາກົນ ແລະ ກົດໝາຍຫວຽດນາມ, ສະເໜີຮັບຮອງກົດລະບຽບເສດຖະກິດການຕະຫຼາດຂອງຂອງຫວຽດນາມ; ຈຳກັດບັນດາການຮ້ອງຟ້ອງຂາຍບຸບລາຄາ, ຕ້ານການໜູນຊ່ວຍສຳລັບປາຈາ, ປາບາຊາ ແລະ ກຸ້ງຂອງຫວຽດນາມ… ຫວຽດນາມ ຢືນຢັນຄວາມຕັດສິນໃຈພ້ອມກັບອາເມລິກາ ແລະ ບັນດາປະເທດສະມາຊິກສິ້ນສຸດການເຈລະຈາ TPP ບົນພື້ນຖານຮັບປະກັນຄວາມສົມດູນຜົນປະໂຫຍດ ແລະ ຄິດໄລເຖິງຄວາມແຕກຕ່າງກັນກ່ຽວກັບລະດັບພັດທະນາ.
ຜູ້ຕາງໜ້າການຄ້າອາເມລິກາ Michael Froman ໃຫ້ຮູ້ວ່າ, 2 ຝ່າຍຄວນມານະພະຍາຍາມຕັດສິນໃຈແກ້ໄຂບາງບັນຫາທີ່ຍັງມີຄວາມແຕກຕ່າງກັນ, ປະກອບສ່ວນເຂົ້າໃນຄາດໝາຍລວມແມ່ນບັນລຸ TPP ໂດຍໄວ. ພ້ອມກັນນັ້ນ, 2 ຝ່າຍຕ້ອງສືບຕໍ່ຮ່ວມມືເພື່ອຊຸກຍູ້ການພົວພັນດ້ານການຄ້າ 2 ຝ່າຍ ຮັກສາທ່າເຕີມໂຕປະທັບໃຈຄືປະຈຸບັນ.