(ພາບ: vov )
(vovworld)- ຕອນເຊົ້າວັນທີ 9/10, ກະຊວງຖະແຫຼງຂ່າວ ແລະ ສື່ສານຫວຽດນາມ ພ້ອມກັບບັນດາກະຊວງ, ຂະແໜງການທີ່ກ່ຽວຂ້ອງໄດ້ປຸກລະດົມການສອບເສງ ຂຽນຈົດຫມາຍສາກົນ UPU ຄັ້ງທີ 43 ຢ່າງເປັນທາງການ. ນີ້ແມ່ນການສອບເສງສະຫງວນໃຫ້ນັກຮຽນ ແລະ ຜ່ານນັ້ນຊ່ວຍໃຫ້ນັກຮຽນຍົກສູງຄວາມຮັບຮູ້ສັງຄົມ, ສະໜິດຕິດພັນ, ສາມັກຄີ, ມິດຕະພາບລະຫວ່າງບັນດາປະຊາຊາດ. ກ່າວຄຳເຫັນທີ່ພິທີ, ທ່ານຫງວຽນແທງຮຶງ ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ, ຊີ້ແຈ້ງວ່າ:
“ການສອບເສງຂຽນຈົດໝາຍສາກົນ UPU ຄັ້ງທີ 43 ດ້ວຍຫົວເລື່ອງຈົ່ງຂຽນຈົດໝາຍສະບັບໜຶ່ງກ່ຽວກັບເລື່ອງດົນຕີສາມາດກະທົບເຖິງຊີວິດການເປັນຢູ່ຄືແນວໃດ. ໃນການສອບເສງຄັ້ງທີ 42 ປີ 2013 ຜ່ານມາ, ຫວຽດນາມ ມີນັກຮຽນຜູ້ 1 ໄດ້ຮັບລາງວັນຊົມເຊີຍ. ນີ້ແມ່ນຄວາມເປັນກຽດ, ຄວາມເອກອ້າງທະນົງໃຈຂອງນັກຮຽນຫວຽດນາມ. ຂ້າພະເຈົ້າຫວັງວ່າ, ການສອບເສງຄັ້ງນີ້ຈະປະສົບຜົນສຳເລັດດ້ວຍຈົດໝາຍມ່ວນຂອງບັນດານັກຮຽນມາຈາກທຸກເຂດພາກຂອງປະເທດຊາດຫວຽດນາມ“.