ຫວຽດນາມຕອບສະໜອງວັນຊັບພະຍາກອນນຳ້ສາກົນ2016
(ພາບປະກອບ)
(vovworld) - ຕອນເຊົ້າວັນທີ 22/3, ກະຊວງຊັບພະຍາກອນ ແລະ ສິ່ງແວດລ້ອມສົມທົບກັບຄະນະກຳມະການປະຊາຊົນແຂວງ ແທງຮ໋ວາຈັດຕັ້ງງານໂຮມຊຸມໜຸມສະເຫຼີມສະຫຼອງວັນຊັບພະຍາກອນນຳ້ສາກົນປີ 2016 ດ້ວຍຫົວຂໍ້ວ່າ “ນຳ້ ແລະ ວຽກເຮັດງານທຳ“. ກ່າວຄວາມເຫັນນະພິທີ, ທ່ານ ຫງວຽນມິງກວາງ, ລັດຖະມົນຕີວ່າການກະຊວງຊັບພະຍາກອນ ແລະ ສິ່ງແວດລ້ອມ, ໃຫ້ຮູ້ວ່າ. ປະຈຸບັນ, ຢູ່ຫວຽດນາມ, ແຫຼ່ງຊັບພະຍາກອນນ້ຳພວມຢືນຕໍ່ໜ້າຄວາມທ້າທາຍ. ຢູ່ເຂດທົ່ງພຽງແມ່ນຳ້ຂອງ, ໄພແຫ້ງແລ້ງ ແລະ ນຳ້ເຄັມຊືມເຂົ້າ ໄດ້ຮັບຖືວ່າແມ່ນໄພທຳມະຊາດຮ້າຍແຮງທີ່ສຸດໃນໄລຍະ 100 ປີຜ່ານມາ, ເຮັດໃຫ້ປະຊາຊົນເຄິ່ງລ້ານຄົນຢູ່ເຂດແຄມທະເລຂາດນ້ຳໃຊ້້ຢ່າງຮ້າຍແຮງ… ທ່ານລັດຖະມົນຕີ ຫງວຽນມິງກວາງ, ເນັ້ນໜັກວ່າ:
“ມື້ນີ້, ເນື່ອງໃນໂອກາດວັນແຫຼ່ງຊັບພະຍາກອນນຳ້ສາກົນ, ພວກເຮົາຮຽກຮ້ອງທຸກຂັ້ນ, ທຸກຂະແໜງການໃນທົ່ວປະເທດພ້ອມກັນໃຫ້ຄຳໝັ້ນສັນຍາ, ກໍ່ສ້າງນະໂຍບາຍຮັບປະກັນແຫຼ່ງຊັບພະຍາກອນນຳ້, ມຸ່ງໄປເຖິງການພັດທະນາສັງຄົມຢ່າງໝັ້ນຄົງ. ເພື່ອເຮັດສິ່ງດັ່ງກ່າວໃຫ້ໄດ້, ຄວນຍົກສູງປະສິດທິຜົນການນຳໃຊ້ນຳ້ໃນທຸກຂະແໜງ, ທຸກຂົງເຂດ. ສຳລັບບັນດາທ້ອງຖີ່ນໃນທົ່ວປະເທດ, ຂ້າພະເຈົ້າສະເໜີຄວນຮັບຮູ້ຢ່າງເລິກເຊິ່ງຄວາມຮຽກຮ້ອງອັນຮີບດ່ວນ ແມ່ນຕ້ອງປົກປັກຮັກສາ, ປະຢັດແຫຼ່ງຊັບພະຍາກອນນຳ້.“
ກ່ອນໜ້ານັ້ນ, ຕອບສະໜອງວັນຊັບພະຍາກອນນຳ້ສາກົນ, ກະຊວງຊັບພະຍາກອນ ແລະ ສິ່ງແວດລ້ອມສົມທົບກັບຄະນະກຳມະການປະຊາຊົນແຂວງ ແທງຮ໋ວາ ຈັດຕັ້ງກອງປະຊຸມສຳມະນາ ດ້ວຍຫົວຂໍ້ວ່າ “ນ້ຳ ແລະ ວຽກເຮັດງານທຳ“. ງານວາງສະແດງຮູບພາບ “ນຳ້ ແລະ ວຽກເຮັດງານທຳ“, ແລະລາຍການສະແດງສິລະປະເພື່ອສະເຫຼີມສະຫຼອງ ວັນຊັບພະຍາກອນນຳ້ສາກົນ 2016.