(vovworld) - ເພ່ືອຕອບສະໜອງວັນສິ່ງແວດລ້ອມໂລກ, ຕອນເຊົ້າວັນທີ 05/06, ຢູ່ນະຄອນ ວິ້ງອຽນ, ແຂວງວິ້ງຟຸກ, ກະຊວງຊັບພະຍາກອນ ແລະ ສິ່ງແວດລ້ອມ, ສູນກາງສະມາຄົມຊາວກະສິກອນຫວຽດນາມ, ສູນກາງສະມາຄົມຜູ້ອາຍຸສູງຫວຽດນາມ ແລະ ຄະນະກຳມະການປະຊາຊົນແຂວງວິ້ງຟຸກ ໄດ້ສົມທົບກັນຈັດຕັ້ງງານໂຮມຊຸມນຸມແຫ່ງຊາດຕອບສະໜອງວັນສິ່ງແວດລ້ອມໂລກ 2015.
ທີ່ງານໂຮມຊຸມນຸມ, ທ່ານຮອງນາຍົກລັດຖະມົນຕີ ຮ່ວາງຈຸງຫາຍ ສະເໜີໃຫ້ອຳນາດການປົກຄອງທຸກຂັ້ນ, ບັນດາຂະແໜງ, ອົງການຈັດຕັ້ງມະຫາຊົນ, ບັນດາອົງການການເມືອງສັງຄົມ ແລະ ປະຊາຊົນໃນທົ່ວປະເທດມີການເຄື່ອນໄຫວແທດຈິງ ເພື່ອຕອບສະໜອງວັນວິ່ງແວດລ້ອມໂລກ ແລະ ຮ່ວມແຮງຮ່ວມໃຈປົກປັກຮັກສາສິ່ງແວດລ້ອມ.
“ຕ້ອງສືບຕໍ່ປະຕິບັດບັນດາມາດຕະການເພື່ອສ້າງໂຄງປະກອບເສດຖະກິດຄືນໃໝ່ ຕາມທິດພັດທະນາຢ່າງເລິກເຊິ່ງ, ຊຸກຍູ້ ສົ່ງເສີມບັນດາວິສາກິດພັດທະນາ, ນຳໃຊ້ເຕັກໂນໂລຊີທີ່ບໍ່ກໍມົນລະຜິດເຖິງສິ່ງແວດລ້ອມ ແລະ ປະຢັດພະລັງງານ; ລະດົມ ແລະ ນຳໃຊ້ບັນດາແຫຼ່ງໜູນຊ່ວຍທາງການ, ບັນດາແຫຼ່ງລົງທຶນຈາກອົງການ ແລະ ສ່ວນບຸກຄົນຢູ່ພາຍໃນ ແລະ ຕ່າງປະເທດຢ່າງມີປະສິດທິຜົນ ເພື່ອມຸ່ງໄປເຖິງການສ້າງພື້ນຖານເສດຖະກິດຂຽວ. ພົນລະເມືອງຫວຽດນາມແຕ່ລະຄົນ, ແຕ່ລະອົງການວິສາຫະກິດ ດ້ວຍການກະທຳທີ່ແທດຈິງ ຈົ່ງປະກອບສ່ວນເຂົ້າໃນການປົກປັກຮັກສາສິ່ງແວດລ້ອມ ຢູ່ແຕ່ລະໃນຄອບຄົວ, ບໍລິເວນ, ອົງການຈັດຕັ້ງ, ທ້ອງຖິ່ນຂອງຕົນ ເພື່ອປະຕິບັດການຄຸ້ມຄອງ, ນ້ຳໃຊ້, ຂຸດຄົ້ນບັນດາແຫຼ່ງຊັບພະຍາກອນຢ່າງມີປະສິດທິຜົນ ຕິດພັນກັບການປົກປັກຮັກສາຢ່າງໝັ້ນຄົງ.”