ຕອນເຊົ້າວັນທີ 23/12, ຢູ່ຮ່າໂນ້ຍ, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ໄດ້ມີການເຈລະຈາກັບ ທ່ານປະທານວຸດທິສະພາໄທ ທີຣາເດັດ ມີພຽນ ທີ່ພວມຢູ່ຢ້ຽມຢາມຫວຽດນາມຢ່າງເປັນທາງການ. ທີ່ການເຈລະຈາ, ທ່ານປະທານສະພາແຫ່ງຊາດ ຫງວຽນຊິງຮຸ່ງ ໄດ້ສະແດງຄວາມເຫັນອົກເຫັນໃຈຕໍ່ ປະຊາຊົນ ໄທທີ່ຫາກໍ່ຮັບຜົນຮ້າຍຢ່າງໜັກໜ່ວງຈາກໄພນ້ຳຖ້ວມກໍ່ຂຶ້ນ, ທ່ານປາດຖະໜາວ່າ ລັດຖະບານ ແລະ ປະຊາຊົນໄທຈະແກ້ໄຂຜົນຮ້າຍຢ້ອນຫລັງຈາກໄພທຳມະຊາດໂດຍໄວ ເພື່ອສືບຕໍ່ສ້າງສາ ແລະ ພັດທະນາປະເທດຊາດ. ຢັ້ງຢືນນະໂຍບາຍຢ່າງສະເໝີຕົ້ນສະເໝີປາຍຂອງຫວຽດນາມແມ່ນຖືເປັນສຳຄັນ ແລະ ສະຫງວນບຸລິມະສິດໃຫ້ແກ່ການປັບປຸງ, ເພີ່ມທະວີການພົວພັນມິດຕະພາບ ແລະ ການຮ່ວມມືໃນຫຼາຍດ້ານກັບໄທ, ທ່ານປະທານສະພາແຫ່ງຊາດ ຫງວຽນຊິງຮູ່ງ ຫວັງວ່າ 2 ຝ່າຍເພີ່ມທະວີການພົບປະແລກປ່ຽນບົດຮຽນໃນການປະຕິບັດງານລະຫວ່າງບັນດາອົງການວິຊາການຂອງ ສະພາແຫ່ງຊາດ 2 ປະເທດ. ສ້າງເງື່ອນໄຂອຳນວຍຄວາມສະດວກເພື່ອໜູນຊ່ວຍວິສາຫະກິດ 2 ປະເທດເຂົ້າມາລົງທຶນ, ດຳເນີນທຸລະກິດຢູ່ປະເທດຂອງກັນ. ສ້າງເງື່ອນໄຂອຳນວຍຄວາມສະດວກ ເພື່ອໃຫ້ຊາວຫວຽດນາມ ແລະ ຊາວໄທອາໄສຢູ່ຕ່າງປະເທດທຳມາຄ້າຂາຍເປັນປົກກະຕິ, ປະກອບສ່ວນສ້າງສາປະເທດທີ່ເຂົ້າເຈົ້າປະຈຳຖີ່ນ, ປະກອບສ່ວນຊຸກຍູ້ການພົວພັນມິດຕະພາບລະຫວ່າງ 2 ປະເທດ.
ສ່ວນທ່ານປະທານວຸດທິສະພາໄທ ທີຣາເດັດ ມີພຽນ ຢືນຢັນຈະສະໜັບສະໜູນເຊື່ອເຫຼືອ ຊາວຫວຽດນາມພວມດຳລົງຊີວິດ, ຮ່ຳຮຽນ ແລະ ປະຕິບັດງານຢູ່ຫວຽດນາມ, ຫວັງວ່າ: 2 ຝ່າຍຈະແລກປ່ຽນ, ຮ່ວມມືລະຫວ່າງບັນດາກຸ່ມສະມາຊິກ ສະພາແຫ່ງຊາດ ເປັນປະຈຳ ເພື່ອເພິ່ມທະວີສາຍພົວພັນລະຫວ່າງປະຊາຊົນ ແລະ ສະພາແຫ່ງຊາດ 2 ປະເທດ ຢ່າງແໜ້ນແຟ້ນ, ແລະເຊື່ອໝັ້ນວ່າສະພາແຫ່ງຊາດຫວຽດນາມ ແລະ ສະພາແຫ່ງຊາດໄທຈະມີການພັດທະນາ ແລະ ການພົວພັນຢ່າງແໜ້ນແຟ້ນໃນອະນາຄົດໃຫ້ດີກ່ວາອີກ.
ຕອນບ່າຍຂອງວັນດຽວກັນ, ທ່ານປະທານວຸດທິສະພາໄທໄດ້ຮັບການຕ້ອນຮັບຈາກທ່ານປະທານປະເທດຫວຽດນາມ ເຈືອງເຕີນຊາງ ຢ່າງສະໜິດສະໜົມ.