ຫວຽດນາມຖືເປັນສຳຄັນການປັບປຸງແລະພັດທະນາການພົວພັນກັບອັງໂກລາ
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ
ຫວຽດນາມ ຟ້າມບີງມີງ ແລະ ທ່ານ Georges Rebelo Chikoti,
ລັດຖະມົນຕີການຕ່າງປະເທດ ແລະ ຮ່ວມມືສາກົນ ອັງໂກລາ.
ພາບ:TTXVN
|
(VOVworld)- ຕອນບ່າຍວັນທີ 25/4, ຢູ່ສຳນັກງານປະທານປະເທດ, ທ່ານປະທານປະເທດ ເຈີນດ້າຍກວາງ ໄດ້ຕ້ອນຮັບທ່ານ Georges Rebelo Chikoti, ລັດຖະມົນຕີການຕ່າງປະເທດ ແລະ ຮ່ວມມືສາກົນ ອັງໂກລາ ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດ ເຈີນດ້າຍກວາງ ຖືວ່າ: ເພື່ອສືບຕໍ່ຊຸກຍູ້ການພົວພັນລະຫວ່າງສອງປະເທດໃນໄລຍະຈະມາເຖິງ, ສອງຝ່າຍ ເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຄະນະຜູ້ແທນຂັ້ນສູງ, ເພີ່ມທະວີການພົບປະແລກປ່ຽນປະຊາຊົນສອງປະເທດ. ພ້ອມທັງສະເຫນີ ສອງປະເທດສືບຕໍ່ສົມທົບກັນຢ່າງແຫນ້ນແຟ້ນໃນບັນດາເວທີປາໄສພາກພື້ນ ແລະ ສາກົນ ແລະ ປາດຖະຫນາ ອັງໂກລາ ສະຫນັບສະຫນູນ ຫວຽດນາມ ໄດ້ຮັບການເລືອກຕັ້ງເປັນກຳມະການບໍ່ປະຈຳ ສະພາຄວາມໝັ້ນຄົງ ສປຊ ອາຍຸການ 2020 – 2021.
ກ່ອນຫນ້ານັ້ນ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມີງ ໄດ້ເຈລະຈາກັບທ່ານ Georges Rebelo Chikoti, ລັດຖະມົນຕີການຕ່າງປະເທດ ແລະ ຮ່ວມມືສາກົນ ອັງໂກລາ.