(vovworld) - ຕາມຕາຕະລາງຈັດອັນດັບໃນດັດຊະນີພັດທະນາການຂາຍຍ່ອຍທົ່ວໂລກ (GRDI) ໂດຍກຸ່ມບໍລິສັດທີ່ປຶກສາຕະຫຼາດ AT Kearney, ອາເມລິກາ ປະກາດປະຈຳປີ, ຫວຽດນາມ ນອນໃນ top 30 ຕະຫຼາດຂາຍຍ່ອຍຫາກໍ່ພົ້ນເດັ່ນດູດດຶ່ມອັນດັບໜຶ່ງໃນໂລກໃຫ້ນັກລົງທຶນຕ່າງປະເທດນັບແຕ່ປີ 2008 ມາຮອດປະຈຸບັນ. ນີ້ແມ່ນຂໍ້ມູນທີ່ໄດ້ປະກາດໃນກອງປະຊຸມສຳມະນາ “ຊອກຫາຄວາມສ່ຽງກ່ຽວກັບນະໂຍບາຍສຳລັບຂະແໜງຂາຍຍ່ອຍຫວຽດນາມ ໃນສະພາບເຊື່ອມໂຍງ TPP ແລະ EVFTA”, ເຊິ່ງຖືກດຳເນີນຢູ່ນະຄອນໂຮ່ຈິມິນ, ໃນວັນທີ 28/06.
ທີ່ກອງປະຊຸມສຳມະນາ, ມີຫຼາຍບໍລິສັດຄົ້ນຄ້ວາການຕະຫຼາດ ແລະ ນັກຊ່ຽວສານດ້ານເສດຖະກິດຕີລາຄາຕະຫຼາດຂາຍຍ່ອຍຫວຽດນາມ ແມ່ນມີແງ່ຫວັງພັດທະນາ ແລະ ບັນລຸການເຕີບໂຕສູງໃນໄລຍະຈະມາເຖິງ. ໃນນັ້ນ, ມີຫຼາຍປັດໃຈຊີ້ໃຫ້ເຫັນວ່າ, ຕະຫຼາດຂາຍຍ່ອຍຫວຽດນາມ ແມ່ນຂົງເຂດທີ່ຈະສືບຕໍ່ນຳມາເຊິ່ງຜົນກຳໄລສູງ.