ການກວດກາຄົນເຂົ້າເມືອງຢູ່ສະໜາມບິນ
(ພາບປະກອບ)
|
(vovworld) – ກ່າວຄຳເຫັນທີ່ການປະຊຸມຂ່າວຂອງຄະນະຊີ້ນຳປ້ອງກັນ, ຕ້ານໂລກພະຍາດ MERS ດຳເນີນໄປໃນຕອນບ່າຍວັນທີ 8/6, ຢູ່ ຮ່າໂນ້ຍ, ຫົວໜ້າກົມການແພດສຳຮອງ (ກະຊວງສາທາລະນະສຸກ) ເຈີ່ນດັກຟູ ຢັ້ງຢືນວ່າ: ຫວຽດນາມ ບໍ່ທັນພົບເຫັນກໍລະນີຕິດໂລກພະຍາດ MERS ໃດໆ (ໂລກພະຍາດອັກເສບລະບົບຫາຍໃຈຢູ່ເຂດຕາເວັນອອກກາງ ໂດຍໄວຣັດ Corana) ກໍ່ຂຶ້ນ. ແຕ່ເຖິງຢ່າງໃດກໍ່ຕາມ, ໄລຍະຈະມາເຖິງ, ຍ້ອນໂລກພະຍາດດັ່ງກ່າວພວມຜັນແປໄປຢ່າງສັບສົນຢູ່ ສ. ເກົາຫຼີ ແລະ ຈີນ ດັ່ງນັ້ນໄພຈະແຜ່ລາມເຂົ້າ ຫວຽດນາມ ແມ່ນໃຫຍ່ຫຼວງທີ່ສຸດ. ຢູ່ ຫວຽດນາມ ໄດ້ຮັບຮູ້ 3 ກໍລະນີທີ່ຖືກສົງໃສຕິດພະຍາດແຕ່ຜົນແຫ່ງການວິໄຈລ້ວນແຕ່ຢືນຢັນວ່າບໍ່ຕິດພະຍາດດັ່ງກ່າວ. ຫົວໜ້າກົມຄຸ້ມຄອງການກວດ, ປິ່ນປົວພະຍາດ (ກະຊວງສາທາລະນະສຸກ) ເລືອງງອກເຄວ ໃຫ້ຮູ້ວ່າ: ເພື່ອປ້ອງກັນ, ຕ້ານໂລກພະຍາດ MERS ຢ່າງມີປະສິດທິຜົນ, ກົມໄດ້ສ້າງແຜນການລະອຽດເພື່ອແນໃສ່ເປັນເຈົ້າການໃນການກະກຽມ ແລະ ພ້ອມແລ້ວທີ່ຮັບມືກັບໂລກພະຍາດດັ່ງກ່າວ, ພ້ອມທັງສະກັດກັ້ນການແຜ່ລາມຂອງພະຍາດນີ້ໃນໂຮງໝໍ, ຈຳກັດຜູ້ເສຍຊີວິດ… ສ່ວນທ່ານນາງລັດຖະມົນຕີວ່າການກະຊວງສາທາລະນະສຸກ ຫງວຽນທິກິມຕ໋ຽນ ຢັ້ງຢືນວ່າ: ກະຊວງສາທາລະນະສຸກ ໄດ້ກຽມພ້ອມກ່ຽວກັບວິຊາສະເພາະ, ເຕັກນິກ, ພະລາທິການ ແລະ ສົມທົບກັນປ້ອງກັນ, ຕ້ານໂລກພະຍາດ, ບໍ່ໃຫ້ໂລກພະຍາດແຜ່ລາມເຂົ້າ ຫວຽດນາມ.