(vovworld)- ໃນວັນທີ 18/5, ທ່ານ Eni Faleomavaega ອະດິດສະມາຊິກລັດຖະສະພາ ສະຫະລັດອາເມລິກາ, ທັງເປັນປະທານອະນຸກຳມາການ ອາຊີ-ປາຊີຟິກ ແລະ ສິ່ງແວດລ້ອມທົ່ວໂລກ ຂື້ນກັບຄະນະກຳມາທິການການຕ່າງປະເທດ ສະພາຕ່ຳ ສະຫະລັດອາເມລິກາ, ອອກຖະແຫຼງການ ສື່ມວນຊົນ ຢັ້ງຢືນການສະໜັບສະໜູນ ສຳລັບຫວຽດນາມ, ພ້ອມທັງຊີ້ແຈ້ງວ່າ ຫວຽດນາມ ບັນລຸໄດ້ຜົນງານຫຼາຍຢ່າງ ກ່ຽວກັບສິດທິມະນຸດ, ລວມມີ: ສິດເສລີສື່ມວນຊົນ, ສິດເສລີໃນການປາກເວົ້າ, ສິດເສລີໃນການສ້າງຕັ້ງສະມາຄົມ, ສິດເສລີທາງສາດສະໜາ ແລະ ສິດຂອງນັກໂທດ. ທ່ານ Faleomavaega ຖືວ່າບາງສະມາຊິກລັດຖະສະພາ ໃນຄະນະກຳມາທິການການຕ່າງປະເທດ ສະພາຕ່ຳ ສະຫະລັດອາເມລິກາ ສືບຕໍ່ຈັດບັນດາການອະພິປາຍປະຈຳປີ ສ່ອງແສງ ຫວຽດນາມ ບໍ່ສະເໝີພາບ. ບັນດາຂໍ້ມູນຂ່າວນັ້ນບໍ່ຊັດເຈນ ແລະ ບັນດາສະມາຊິກລັດຖະສະພານີ້ໄດ້ນຳໃຊ້ ດ້ວຍຈຸດໝາຍດ້ານການເມືອງ ເພື່ອກໍ່ຄວາມຂາດສະຖຽນລະພາບ ຢູ່ ຫວຽດນາມ. ອະດິດສະມາຊິກລັດຖະສະພາ ທ່ານ Faleomavaega ເນັ້ນໜັກວ່າ ບັນດາປະເທດອື່ນກໍ່ຄື ສະຫະປະຊາຊາດ ລ້ວນແຕ່ຍອມຮັບ ບັນດາຄວາມກ້າວໜ້າ ຂອງຫວຽດນາມ ແລະ ຫວຽດນາມ ພວມກາຍເປັນປະເທດຊີ້ນຳນຳພາໃນພາກພື້ນຢ່າງໄວວາ. ດັ່ງນັ້ນ, ຜົນປະໂຫຍດ ຂອງສະຫະລັດອາເມລິກາ ຕ້ອງເໝາະສົມກັບຫວຽດນາມ ຫາກບໍ່ແມ່ນຕ້ານຫວຽດນາມ. ພິເສດ, ໃນສະຖານະການເພີ່ມຄວາມເຄັ່ງຕຶງ ຢູ່ ທະເລຕາເວັນອອກ, ສະຫະລັດອາເມລິກາ ຕ້ອງການໄດ້ຮັບການສະໜັບສະໜູນຈາກບັນດາປະເທດ ຢູ່ພາກພື້ນ ໃນການມານະພະຍາຍາມ ຮັບປະກັນຄວາມເສລີໃນການເດີນທະເລ ຢູ່ ອາຊີ-ປາຊີຟິກ. ທ່ານ Faleomavaega ຍ້ອງຍໍການມາຢ້ຽມຢາມຫວຽດນາມ ໃກ້ຈະມາເຖິງ ຂອງ ປະທານາທິບໍດີ Barack Obama ໃນນັ້ນສະໜັບສະໜູນ ສັນຍາຄູ່ຮ່ວມມືຂ້າມ ປາຊີຟິກ (TPP) ແລະ ເລື່ອງສະຫະລັດອາເມລິກາ ຄວນລົບລ້າງ ຄຳສັ່ງຂວ້ຳບາດອາວຸດດັບສູນສຳລັບຫວຽດນາມ, ຜ່ານນັ້ນ ສະແດງໃຫ້ເຫັນສາຍພົວພັນປ້ອງກັນຊາດ ແລະ ປ້ອງກັນຄວາມສະຫງົບ ນັບມື້ນັບແຮງ ລະຫວ່າງ ສອງຝ່າຍ.