ຄະນະນັກຂ່າວສາກົນເຮັດວຽກກັບການນຳກະຊວງ
ສາທາລະນະສຸກຫວຽດນາມ
ພາບ:http://suckhoedoisong.vn
|
(vovworld)- ກອງທຶນອຸປະຖຳຂອງ ສປຊ ຫາກໍ່ສົ່ງຄະນະນັກຂ່າວຂອງບັນດາຫນັງສືພິມສຳຄັນ ຂອງ ອາເມລິກາ, ອັງກິດ, ການາດາ.. ມາຫວຽດນາມ ເພື່ອຕີລາຄາລະບົບສາທາລະນະສຸກ ແລະ ໝາກຜົນປະຕິບັດບັນດາເປົ້າໝາຍສະຫັດສະວັດ ຊື່ງຫວຽດນາມ ບັນລຸໄດ້. ທີ່ການເຮັດວຽກກັບ ກະຊວງສາທາລະນະສຸກຫວຽດນາມ ແລະ ວົງການນັກຂ່າວ ເມື່ອວັນທີ 16/1, ຢູ່ຮ່າໂນ້ຍ, ບັນດານັກຂ່າວ ສາກົນ ສະແດງຄວາມເຄົາລົບນັບຖືບັນດາທ່ານໝໍຫວຽດນາມ ເມື່ອເຮັດວຽກໃນເງື່ອນໄຂທີ່ຫຍຸ້ງຍາກ, ພື້ນຖານດ້ານວັດຖຸບໍ່ພຽງພໍ, ຈຳນວນຄົນເຈັບມາກວດ ແລະ ປິ່ນປົວພະຍາດຢູ່ໂຮງໝໍສູນກາງແມ່ນເກີນຂອບເຂດ, ສ່ວນໂຮງໝໍບັນດາເມືອງຢູ່ເຂດຫ່າງໄກສອກຫລີກ ແມ່ນຂາດເຂີນອຸປະກອນການແພດ. ຄະນະນັກຂ່າວສາກົນ ຕີລາຄາສູງ ລະບົບສາທາລະນະສຸກຢູ່ຮາກຖານຕິດພັນກັບວົງຄະນາຍາດຢູ່ຫວຽດນາມ ໄດ້ຮັບຄວາມເອົາໃຈໃສ່ຈາກລັດ. ບັນດານັກຂ່າວສາກົນ ໃຫ້ຮູ້ວ່າ: ສາທາລະນະສຸກຫວຽດນາມ ມີຫລາຍຮູບການປ່ຽນໃຫມ່ໃນການສ້າງຖັນແຖວພະນັກງານສາທາລະນະສຸກຂັ້ນຮາກຖານ. ຜູ້ຕາງຫນ້າກອງທຶນອຸປະຖຳ ສປຊ ຢືນຢັນວ່າ: ຊື່ງແມ່ນປະເທດມີລາຍຮັບຕ່ຳຄືຫວຽດນາມ, ແຕ່ລະບົບສາທາລະນະສຸກຫວຽດນາມ ບັນລຸໄດ້ຜົນງານຫລາຍຢ່າງໃນການເບິ່ງແຍງສຸຂະພາບໃຫ້ແກ່ປະຊາຊົນ ແລະຮູບແບບລະບົບສາທາລະນະສຸກຮາກຖານຂອງຫວຽດນາມ ຄວນເຜີຍແຜ່ໃຫ້ບັນດາປະເທດຮ່ຳຮຽນຕາມ.